លោក Kanani អ្នកនាំពាក្យក្រសួងការបរទេសអ៊ីរ៉ង់បានថ្លែងនៅថ្ងៃទី ១២ ខែកញ្ញាថា អាមេរិកត្រូវបញ្ជាក់ថា ខ្លួននឹងគោរពតាមក្រមអន្តរជាតិ ហើយអាចក្លាយជា “សមាជិកដ៏គួរឱ្យទុកចិត្តបាន ” ទើបអាចរៀបចំកិច្ចព្រមព្រៀងគ្រប់ជ្រុងជ្រោយស្តីពីបញ្ហានុយក្លេអ៊ែរអ៊ីរ៉ង់ឡើងវិញ ។
លោក Kanani បានថ្លែងក្នុងសន្និសីទកាសែតនាថ្ងៃដដែលថា អាមេរិកបានដើរចេញពីកិច្ចព្រមព្រៀងនុយក្លេអ៊ែរអ៊ីរ៉ង់ដែលឯកភាពគ្នាកាលពីឆ្នាំ២០១៥ដោយឯកតោភាគី ព្រមទាំងបានបន្ថែមការដាក់ទណ្ឌកម្មដោយខុសច្បាប់និងឯកតោភាគីចំពោះអ៊ីរ៉ង់ទៀតផង បានបណ្តាលឱ្យរដ្ឋាភិបាលនិងប្រជាជនអ៊ីរ៉ង់រងការខាតបង់យ៉ាងធ្ងន់ធ្ងរ។ អាមេរិកគ្មានសិទ្ធិបង្ហាញនូវ “អាកប្បកិរិយាជាម្ចាស់បំណុល”ទេ ពោលគឺត្រូវប្រើអាកប្បកិរិយាដែលមានលក្ខណៈស្ថាបនាដើម្បីឈានដល់កិច្ចព្រមព្រៀងអំពីការរៀបចំកិច្ចព្រមព្រៀងនុយក្លេអ៊ែរអ៊ីរ៉ង់ឡើងវិញ៕