កិច្ចប្រជុំក្រុមប្រឹក្សាប្រមុខរដ្ឋនៃអង្គការសហប្រតិបត្តិការសៀងហៃលើកទី ២២ នឹងប្រារព្ធធ្វើនៅទីក្រុង Samarkand ប្រទេសអ៊ូសបេគីស្ថាន។
អង្គការសហប្រតិបត្តិការសៀងហៃបង្កើតឡើងនៅឆ្នាំ២០០១ គិតត្រឹមបច្ចុប្បន្ននេះមានរដ្ឋប្រទេសចំនួន៨ ដែលមានចំនួនប្រជាជនស្មើនឹងពាក់កណ្តាលនៃចំនួនប្រជាជនពិភពលោក។ កាលពីឆ្នាំ២០២១ ផលិតផលក្នុងស្រុកសរុបនៃរដ្ឋសមាជិកអង្គការសហប្រតិបត្តិការសៀងហៃគឺ23,3 ទ្រីលានដុល្លារអាមេរិក ស្មើនឹង 1/4 នៃGDP ពិភពលោក។ ហេតុអ្វីអង្គការសហប្រតិបត្តិការសៀងហៃបានទាក់ទាញការចាប់អារម្មណ៍ពីអន្តរជាតិកាន់តែខ្លាំងឡើងៗ?
រយៈពេល២១ ឆ្នាំបន្ទាប់ពីបានបង្កើតឡើង អង្គការសហប្រតិបត្តិការសៀងហៃរកបានមាគ៌ាអភិវឌ្ឍន៍និងកិច្ចសហប្រតិបត្តិការបែបថ្មីនៃអង្គការក្នុងតំបន់។ ស្មារតីសៀងហៃស្តីពីជឿទុកចិត្តគ្នា ផ្តល់ផលប្រយោជន៍ដល់គ្នា ស្មើភាព ពិគ្រោះពិភាក្សា គោរពពិពិធកម្មនៃអរិយធម៌ និងអភិវឌ្ឍរួមគ្នា បានបន្ថែមខ្លឹមសារចំពោះចំពោះយុគសម័យថ្មីដោយឥតឈប់ឈរ។
កិច្ចព្រមព្រៀងគ្រប់វិស័យក្រោមក្របខណ្ឌអង្គការសហប្រតិបត្តិការសៀងហៃបានបង្កបរិយាកាសអភិវឌ្ឍន៍ដ៏នឹងនរសម្រាប់បណ្តាភាគី ហើយទទួលបានលទ្ធផលច្រើនក្នុងវិស័យសេដ្ឋកិច្ចនិងវប្បធម៌មនុស្សជាតិ។ "ខ្សែក្រវាត់និងផ្លូវ" បានតភ្ជាប់ជាមួយសហភាពសេដ្ឋកិច្ចអឺរ៉ាស៊ី បង្ហាញពីឥទ្ធិពលនយោបាយនិងសេដ្ឋកិច្ចនៃអង្គការសហប្រតិបត្តិការសៀងហៃបានកើនឡើងជារៀងរាល់ថ្ងៃ៕