នៅថ្ងៃទី ៧ ខែកញ្ញា វេទិកាផ្សព្វផ្សាយចំណីចក្ខុរវាងចិននិងអាស៊ានឆ្នាំ ២០២២ បានប្រារព្ធធ្វើនៅក្រុងណាននីង ភូមិភាគស្វយ័តក្វាងស៊ី ។

    ក្នុងអំឡុងពេលចូលរួមវេទិកា គម្រោងសរុបចំនួន ១០ បានចុះកិច្ចសន្យាតាមរបៀបអនឡាញឬនៅកន្លែងផ្ទាល់ ។ បើប្រៀបធៀបនឹងវេទិកាលើកមុនៗ គម្រោងចុះកិច្ចសន្យាក្នុងវេទិកាលើកនេះបានគ្របដណ្តប់កាន់តែទូលំទូលាយ វាមិនត្រឹមតែពាក់ព័ន្ធដល់កិច្ចព្រមព្រៀងក្របខណ្ឌអន្តររដ្ឋបាលស្តីពីកិច្ចសហប្រតិបត្តិការយុទ្ធសាស្ត្រលើវិស័យចំណីចក្ខុនៃមុខរបរវិទ្យុនិងទូរទស្សន៍រវាងភូមិភាគស្វយ័តក្វាងស៊ីនិងខេត្តយូណានប៉ុណ្ណោះទេ ថែមទាំងក៏គ្របដណ្តប់លើវិស័យជាច្រើន ដូចជាការត្រួសត្រាយគម្រោងសហប្រតិបត្តិការក្នុងទីផ្សារអាស៊ាន កិច្ចសហប្រតិបត្តិការខាងការផ្សាយផ្ទាល់នៃធុរកិច្ចអេឡិចត្រូនិចឆ្លងដែនរវាងចិននិងអាស៊ាន ភាពយន្តទូរទស្សន៍និងភាពយន្តគំនូរជីវចលជាដើម ៕