ការផ្សាយដំណឹងនៃកាសែត 《Dawn》 របស់ប៉ាគីស្ថានកាលពីថ្ងៃទី២៦ខែសីហាឱ្យដឹងថា ពេលកន្លងទៅថ្មីៗនេះ គ្រោះមហន្តរាយដូចជាការធ្លាក់ភ្លៀងយ៉ាងខ្លាំងបណ្តាលឱ្យកើតគ្រោះទឹកជំនន់ជាដើមនៅប៉ាគីស្ថានដែលបណ្តាលឱ្យមនុស្ស៩រយ៣៧នាក់ស្លាប់ និង៣០លាននាក់ទៀតគ្មានលំនៅដ្ឋាន ។ មន្ត្រីរដ្ឋាភិបាលប៉ាគីស្ថានថ្លែងថា ប្រទេសជាតិបានចូលក្នុងភាពអាថសន្ន ។
កាសែត 《Dawn》 បានផ្សាយដំណឹងនៅថ្ងៃដដែលថា គ្រោះមហន្តរាយដែលបណ្តាលមកពីបម្រែបម្រួលអាកាសធាតុបានបណ្តាលឱ្យមានគ្រោះមហន្តរាយមនុស្សធម៌ដ៏ធ្ងន់ធ្ងរនៅប៉ាគីស្ថាន ។ ក្នុងចំណោមអ្នកស្លាប់បាត់បង់ជីវិតចំនួន៩រយ៣៧នាក់ មាន៣រយ៤៣នាក់គឺកុមារ ។
តាមការផ្សាយដំណឹងនៃទីភ្នាក់ងារសារព័ត៌មានចម្រុះប៉ាគីស្ថានឱ្យដឹងថា ដោយសារការធ្លាក់ភ្លៀងធំនិងទឹកជំនន់ដ៏ធ្ងន់ធ្ងរ សកម្មភាពជួយសង្គ្រោះបានជួបនឹងការលំបាក ។ រដ្ឋាភិបាលសហព័ន្ធនិងរដ្ឋបាលខេត្តនានាកំពុងខិតខំប្រឹងប្រែងយ៉ាងសកម្ម ដើម្បីប្រមូលធនធានទាំងអស់ធ្វើសកម្មភាពជួយសង្គ្រោះ ។
ថ្ងៃដដែល លោក Arif Alvi ប្រធានាធិបតីប៉ាគីស្ថានបានអំពាវនាវឱ្យជនជាតិប៉ាគីស្ថានទាំងក្នុងនិងក្រៅប្រទេសព្រមទាំងសហគមន៍អន្តរជាតិគាំទ្រប្រជាជនរងគ្រោះនិងការងារជួយសង្គ្រោះ ៕