ថ្ងៃទី ២០ ខែសីហា ក្នុងអំឡុងពេលមហាស្និបាត់អភិវឌ្ឍស្តីពីការអប់រំវិជ្ជាជីវៈពិភពលោក ក្រសួងអប់រំចិនបានចេញផ្សាយ《សៀវភៅសស្តីពីការអភិវឌ្ឍការអប់រំវិជ្ជាជីវៈរបស់ប្រទេសចិន》ដើម្បីណែនាំបទពិសោធន៍អភិវឌ្ឍន៍អប់រំវិជ្ជាជីវៈរបស់ប្រទេសចិនទៅកាន់ពិភពលោក ។
សៀវភៅសនេះបានលើកឡើងថា ចាប់តាំងពីឆ្នាំ ២០១២ មក រដ្ឋាភិបាលចិនបានពន្លឿនការកសាងប្រព័ន្ធអប់រំវិជ្ជាជីវៈទំនើប បង្កើតនិម្មបនកម្មដំណើរការសាលារៀនចម្រុះនិងប្រព័ន្ធអភិបាលកិច្ចទំនើប ។ ការអប់រំវិជ្ជាជីវៈរបស់ប្រទេសចិនសម្រេចបាននូវការផ្លាស់ប្តូរទម្រង់នៃការអប់រំនិងបានឈានចូលដំណាក់កាលថ្មីនៃការកែលម្អគុណភាព បណ្តុះឧត្តមភាពនិងការបន្ថែមតម្លៃ ។
សៀវភៅសនេះបានគូសបញ្ជាក់ថា ការបង្កើតវេទិកាសម្រាប់កិច្ចសហប្រតិបត្តិការ និងការផ្លាស់ប្តូរនិងចែករំលែកសមិទ្ធផលនៃកំណែទម្រង់អប់រំវិជ្ជាជីវៈរបស់ប្រទេសចិនជាមួយពិភពលោក នេះគឺជាទស្សនទានដ៏ល្អបវររបស់ប្រទេសចិន ។ ប្រទេសចិននឹងបន្តប្រកាន់ខ្ជាប់នូវការបើកទូលាយ រួមបញ្ជូលយ៉ាងស៊ីជម្រៅទៅក្នុងនិន្នាការពិភពលោកនៃកំណែទម្រង់និងការអភិវឌ្ឍអប់រំវិជ្ជាជីវៈ បង្កើតវេទិកាផ្លាស់ប្តូរអន្តរជាតិយ៉ាងសកម្ម ខិតខំប្រឹងប្រែងក្នុងការលុបបំបាត់ភាពក្រីក្រ បង្កើនឱកាសការងារនិងកែលម្អជីវភាពរស់នៅរបស់ប្រជាជន ដើម្បីរួមចំណែកដំណោះស្រាយរបស់ចិនសម្រាប់អភិបាលកិច្ចអប់រំពិភពលោក រួមចំណែកជាកម្លាំងអប់រំក្នុងការជំរុញការកសាងសហគមន៍រួមវាសនាតែមួយរបស់មនុស្សជាតិ ៕
