ថ្ងៃទី១៦ ខែសីហា គណៈកម្មាធិការជាតិអភិវឌ្ឍន៍និងកំណែទម្រង់ចិនបានរៀបចំសន្និសីទសារព័ត៌មាន ដើម្បីធ្វើបទបង្ហាញអំពីនិន្នាការសេដ្ឋកិច្ចចិនបច្ចុប្បន្ន អ្នកទទួលខុសត្រូវពាក់ព័ន្ធបានថ្លែងថា ទន្ទឹមនឹងការដាក់ចេញគោលនយោបាយម៉ាក្រសេដ្ឋកិច្ចជាបន្តបន្ទាប់ និន្នាការងើបឡើងវិញនិងមានភាពកាន់តែល្អប្រសើរឡើងនៃរបស់សេដ្ឋកិច្ចចិនមុខជានឹងត្រូវពង្រឹងថែមមួយកម្រិតទៀតជាមិនខាន។
សន្និសីទសារព័ត៌មានបានលើកឡើងថា នៅខែកក្កដា បរិមាណផលិតថាមពលអគ្គិសនីនៅទូទាំងប្រទេសគឺ៨០៩៥ពាន់លានគីឡូវ៉ាត់ម៉ោង កើនឡើង៤.៥%បើប្រៀបធៀបនឹងរយៈពេលដូចគ្នានៅឆ្នាំ២០២១។ចាប់ពីឆ្នាំ២០២២មក គម្រោងសំខាន់ៗចំនួន១០២នៃផែនការ៥ឆ្នាំទី១៤បានអនុវត្តយ៉ាងប្រាកដប្រជា។នៅឆមាសទី២ ប្រទេសចិននឹងជំរុញការវិនិយោគប្រកបដោយប្រសិទ្ធភាពលើវិស័យហេដ្ឋារចនាសម្ព័ន្ធនិងហេដ្ឋារចនាសម្ព័ន្ធបែបថ្មី ដូចជាគមនាគមន៍ ថាមពល ចរាចរណ៍ទំនិញ កសិកម្មនិងជនបទជាដើម ដើម្បីជំរុញពាណិជ្ជកម្មក្រៅប្រទេសឱ្យកើនឡើងប្រកបដោយស្ថិរភាព៕