ថ្ងៃទី ២០ ខែមិថុនា តំណាងប្រទេសចិនបានថ្លែងក្នុងកិច្ចប្រជុំសន្ទនាជាមួយអ្នករាយការណ៍ពិសេសអំពីបញ្ហាប្រើអំពើហិង្សាលើស្ត្រីក្នុងកិច្ចប្រជុំលើកទី ៥០ នៃក្រុមប្រឹក្សាសិទ្ធិមនុស្សអង្គការសហប្រជាជាតិ ដោយបានអំពាវនាវឱ្យយន្តការសិទ្ធិមនុស្សអ.ស.ប.បន្តតាមដានបញ្ហារំលោភសិទ្ធិស្ត្រីនិងកុមារីជនជាតិដើមភាគតិចនៅអាមេរិក កាណាដា និងអូស្ត្រាលី។
តំណាងចិនបានថ្លែងថា តាមរបាយការណ៍ដែលអ្នករាយការណ៍ពិសេសអំពីបញ្ហាប្រើអំពើហិង្សលើស្ត្រីបានដាក់ជូនក្រុមប្រឹក្សាសិទ្ធិមនុស្សឱ្យដឹងថា ស្ត្រីជនជាតិដើមភាគតិចដែលបានចូលរួមសកម្មភាពនយោបាយរបស់អាមេរិកបានរងគ្រោះដោយអំពើហិង្សា ស្ត្រីនិងកុមារីជនជាតិដើមភាគតិចនៅអាមេរិកជួបនឹងឧបសគ្គជាញឹកញាប់នៅពេលសុំការការពារខាងផ្លូវច្បាប់ អត្រាឃុំឃាំងស្ត្រីជនជាតិដើមភាគតិចនៅអូស្ត្រាលីនៅតែខ្ពស់ដដែល ឯកាណាដាបានប្រព្រឹត្តិអំពើប្រល័យពូជសាសន៍ចំពោះជនជាតិដើមភាគតិច ភាគីចិនយកចិត្តទុកដាក់ខ្ពស់ចំពោះកិច្ចការទាំងនេះ។
ភាគីចិនសូមដាស់តឿនប្រទេសខាងលើឱ្យប្រឈមមុខដោយត្រឹមត្រូវចំពោះបទឧក្រិដ្ឋប្រវត្តិសាស្ត្រនិងបញ្ហាជាក់ស្តែង ចាត់វិធានការជាក់លាក់ដើម្បីលុបបំបាត់ការរើសអើងនិងអំពើហិង្សាចំពោះស្ត្រីនិងកុមារីជនជាតិដើមភាគតិច ស៊ើបអង្កេតចំពោះករណីរំលោភបំពានដោយអំពើហិង្សា ផ្តន្ទាទោសជនល្មើស ក៏ដូចជាផ្តល់ការគាំទ្រនិងសងជំងឺចិត្តដល់អ្នករងគ្រោះ៕