តាមលទ្ធផលរាប់សន្លឹកឆ្នោតជំហានដំបូងដែលក្រសួងមហាផ្ទៃបារាំងបានប្រកាសនៅយប់ថ្ងៃទី ១៩ ខែមិថុនាឱ្យដឹងថា ក្នុងការបោះឆ្នោតជុំទី២នៃរដ្ឋសភាបារាំងដែលបានធ្វើនៅថ្ងៃដដែល ពិតមែនតែសម្ព័ន្ធគណបក្សកណ្តាល របស់លោកប្រធានាធិបតី Emmanuel Macron មានចំនួនអាសនៈឈានមុខក្តី ប៉ុន្តែមិនទាន់ទទួលបានអាសនៈលើសពីពាក់កណ្តាលទេ។
តាមលទ្ធផលជំហានដំបូងនៃការរាប់សន្លឹកឆ្នោតចំនួន ៩៧% ដែលប្រកាសប្រកាសដោយក្រសួងមហាផ្ទៃបារាំង ក្នុងចំណោមអាសនៈរដ្ឋសភាបារាំងចំនួន ៥៧៧ អាសនៈ សម្ព័ន្ធគណបក្សកណ្តាលទទួលបាន ២៣៤ អាសនៈ មិនទាន់គ្រប់ចំនួន ២៨៩ អាសនៈទេ ប្រៀបធៀបនឹងលទ្ធផលនៃការបោះឆ្នោតរដ្ឋសភាបារាំងឆ្នាំ២០១៧ គឺបានធ្លាក់ចុះយ៉ាងច្រើន ៕