តាមការផ្សាយដំណឹងនៃទីភ្នាក់ងារសារព័ត៌មាន TASS របស់រុស្ស៊ីនៅថ្ងៃទី១៦ ខែមិថុនាបានឱ្យដឹងថា នៅថ្ងៃទី១៦ ខែមិថុនា ខណៈពេលចូលរួមវេទិកាសេដ្ឋកិច្ចអន្តរជាតិក្រុងសាំងពេទឺប៊ឺគ លោក Alexander Novak ឧបនាយករដ្ឋមន្ត្រីរុស្ស៊ីបានប្រាប់ទៅកាន់ប្រព័ន្ធសារព័ត៌មានថា សហគ្រាសអឺរ៉ុបភាគច្រើនបានទូទាត់ថ្លៃឧស្ម័នធម្មជាតិជាប្រាក់រូលរួចហើយ ។
លោកបានថ្លែងទៀតថា បើមើលពីបរិមាណទូទៅ សហគ្រាសភាគច្រើនបានទូទាត់ជាប្រាក់រូល ត្រូវជាប្រហែលពី ៩០ដល់៩៥ភាគរយនៃបរិមាណផ្គត់ផ្គង់សរុប ។
ខណៈពេលផ្តល់បទសម្ភាសន៍ជាមួយប្រព័ន្ធសារព័ត៌មាននៃប្រទេសរុស្ស៊ី លោក Anton Siluanov រដ្ឋមន្ត្រីហិរញ្ញវត្ថុរុស្ស៊ីបានថ្លែងថា បច្ចុប្បន្ននេះ ប្រាក់ចំណូលខាងហិរញ្ញវត្ថុដែលរុស្ស៊ីទទួលបានដោយពឹងផ្អែកលើការនាំចេញថាមពលខ្នាតធំ ដូចជាប្រេងកាតនិងឧស្ម័នធម្មជាតិជាដើម ព្រមនិងចំណូលមកពីទីផ្សារក្នុងស្រុក បាននិងកំពុងបំពេញបន្ថែមការចំណាយ ក្នុងនាមជាវិធានការបណ្តោះអាសន្ន នេះអាចទទួលយកបានទាំងស្រុង ៕