កាលពីថ្ងៃទី១៤ខែមិថុនា អង្គការសុខភាពពិភពលោកបានថ្លែងថា នឹងរៀបចំធ្វើកិច្ចប្រជុំនៃគណៈកម្មាធិការបន្ទាន់នៃអង្គការសុខភាពពិភពលោកនៅថ្ងៃទី២៣ខែមិថុនាខាងមុខនេះ ដើម្បីវាយតម្លៃថា តើជំងឺអុកស្វាដែលកើតឡើងនៅប្រទេសជាច្រើនលើទូទាំងពិភពលោកបានបង្កជា “ភាពអាសន្នផ្នែកសុខាភិបាលសាធារណៈអន្តរជាតិ”ឬអត់ ។

តាមទិន្នន័យថ្មីបំផុតដែលអង្គការសុខភាពពិភពលោកបានប្រកាសឱ្យដឹងថា បច្ចុប្បន្ននេះ មានប្រទេសចំនួន៣៩បានរាយការណ៍ជូនអង្គការសុខភាពពិភពលោកនូវករណីឆ្លងជំងឺអុកស្វាជាង១ពាន់៦រយករណីនិងករណីសង្ស័យជិត១ពាន់៥រយករណី ហើយករណីឆ្លងជំងឺភាគច្រើនគឺមកពីទ្វីបអឺរ៉ុប ។