អ្នកចូលចិត្តតារាសាស្ត្រមុខជាស្គាល់ថា នៅលើមេឃមានតារា៧ដួង ភ្ជាប់គ្នារៀងដូចវែក ជនជាតិចិនបុរាណហៅថា ផ្កាយ ក្រពើ(Beidou) ៧ ដួង   “Beidou ”  មានន័យថា ណែនាំទិសដៅ។

កាលពីថ្ងៃទី ៣១ ខែកក្កដា ឆ្នាំ២០២០   ប្រទេសចិនបានបើកដំណើរការប្រព័ន្ធផ្កាយរណបណែនាំទិសសកលBeidou-3  ជាផ្លូវការ។ ប្រព័ន្ធណែនាំទិសនេះបានបម្រើការងារនៅប្រទេសនិងតំបន់ជាងពាក់កណ្តាលលើលោក។  ឯទ្រង់ទ្រាយផលិតកម្មក្នុងចិនបានលើសពី ៤ សែនលានយាន់ប្រាក់ចិន។

បច្ចុប្បន្ន  ប្រព័ន្ធ Beidou មានផ្កាយរណបចំនួន ៤៥ដួង កំពុងបម្រើការងារតាមគន្លង ដែលផ្តល់សេវាកម្មសកលចំនួន៧ ប្រភេទជូនអ្នកប្រើ ពោលគឺ សេវាកំណត់ទិស សេវាណែនាំទិស សេវាពេលវេលា ការសង្គ្រោះអន្តរជាតិជាដើម។ សេវាបានគ្រប់ដណ្តប់វេទិកាសេវាសង្គ្រោះបន្ទាន់សាធារណៈរបស់សកលលោក។ ទូរស័ព្ទឆ្លាតវៃសំខាន់ៗដូចជាXiaomi  Huawei Apple និងSamsungជាដើម សុទ្ធតែគាំទ្រប្រព័ន្ធ  Beidou ។

ប្រទេសចិនបានប្រកាន់ខ្ជាប់ជានិច្ចនូវលក្ខណៈបើកទូលាយចំពោះសកលលោកនៃប្រព័ន្ធ  Beidou  រដ្ឋាភិបាលចិនបានសន្យាថាប្រព័ន្ធ  Beidou នឹងផ្តល់សេវាណែនាំទិសជាមូលដ្ឋានដោយឥតគិតថ្លៃដល់អ្នកប្រើអាកាសចរណ៍ស៊ីវិលទូទាំងពិភពលោក។

គួរបញ្ជាក់ថា គម្រោងដំណោះស្រាយវិស័យកសិកម្មទំនើប កំពង់ផែឆ្លាតវៃដែលផ្អែកលើប្រព័ន្ធ  Beidou បានបម្រើការងារអភិវឌ្ឍសេដ្ឋកិច្ចនិងសង្គមកិច្ចក្នុងប្រទេសអាស៊ាន ក៏ដូចជាប្រទេសតំបន់ទ្វីបអាស៊ីខាងត្បូង អឺរ៉ុបខាងកើត  អាស៊ីខាងលិច អាហ្វ្រិកជាដើម  ផលិតផល  Beidou បានត្រូវប្រើប្រាស់ក្នុងប្រទេសនិងតំបន់ជាងពាក់កណ្តាលលើលោករួចជាស្រេច។

 នៅប្រទេសមីយ៉ាន់ម៉ា

កាលពីឆ្នាំ ២០១៣  កសិកម្មមីយ៉ាន់ម៉ាបានចាប់ផ្តើមប្រើកម្មវិធីប្រព័ន្ធ  Beidouដែលមានកម្រិតជាក់លាក់ខ្ពស់ ចំនួនជាង៥០០គ្រឿង ។ នេះជាលើកទីមួយដែលប្រទេសអាស៊ានប្រើផលិតផលប្រព័ន្ធ  Beidou  ជាក្រុមក្នុងការប្រមូលស្ថិតិកសិកម្ម ការគ្រប់គ្រងដីធ្លីដោយជាក់លាក់។

 នៅប្រទេសកម្ពុជា

ប្រព័ន្ធ  Beidou បានចូលបម្រើប្រទេសកម្ពុជា បានផ្តល់ឯកសារព័ត៌មានកាន់តែលម្អិតដល់ស្ថាប័ន្ធរដ្ឋាភិបាលកម្ពុជាធ្វើផែនការទូលំទូលាយ គ្រប់គ្រងដីធ្លី ការកសាងហេដ្ឋារចនាសម្ព័ន្ធ  ការសង្កេតបរិស្ថានជាដើម  ។ សេវាកម្មដែលមានកម្រិតជាក់លាក់ខ្ពស់បានក្លាយជាបច្ចេកវិទ្យាសំខាន់មួយរបស់រដ្ឋាភិបាលដែលមិនអាចខ្វះបានក្នុងការកសាងហេដ្ឋារចនាសម្ព័ន្ធ។

 នៅប្រទេសថៃ ប្រព័ន្ធ  Beidou បានផ្តល់សេវាណែនាំទិសដ៏ជាក់លាក់ ដែលបានជួយការនាំចេញផលិតផលរបស់ថៃដឹកជញ្ជូនប្រកបដោយប្រសិទ្ធភាពខ្ពស់ និងសុវត្ថិភាព។ល។៕