ពេលជួបសន្ទនាជាមួយលោក Lee Ka Chiu ប្រធានតំបន់រដ្ឋបាលអាណត្តិទី ៦ នៃតំបន់រដ្ឋបាលពិសេសហុងកុងនៅទីក្រុងប៉េកាំងកាលពីថ្ងៃទី៣០ ខែឧសភា    លោក  Xi Jinping ប្រធានរដ្ឋចិនបានគូសបញ្ជាក់ថា៖    ឆ្នាំនេះជាខួប ២៥ ឆ្នាំនៃការដែលហុងកុងត្រឡប់មកមាតុប្រទេសចិនវិញ។ រយៈពេល ២៥ ឆ្នាំកន្លងមក ទោះជាបានប្រឈមនឹងបញ្ហាជាច្រើនក្តី  ក៏ប៉ុន្តែ  ការអនុវត្តគោលនយោបាយ “ប្រទេសមួយប្រព័ន្ធគ្រប់គ្រងពីរ” នៅហុងកុងទទួលបានភាពជោគជ័យដែលសកលលោកសុទ្ធតែកោតសរសើរ។  ការប្តេជ្ញាចិត្តរបស់រដ្ឋាភិបាលមជ្ឈិមក្នុងការអនុវត្តដោយគ្រប់ជ្រុងជ្រោយនិងត្រឹមត្រូវនូវគោលនយោបាយ “ប្រទេសមួយប្រព័ន្ធគ្រប់គ្រងពីរ” គឺមិនដែលរង្គោះរង្គើទេ  ហើយក៏មិនកែប្រែដែរ។ 

       គួរបញ្ជាក់ថា   ថ្ងៃទី១ ខែកក្កដា ឆ្នាំ ១៩៩៧  រដ្ឋាភិបាលចិនបានប្រកាន់អធិបតេយ្យភាពឡើងវិញចំពោះហុងកុង តំបន់រដ្ឋបាលពិសេសហុងកុងបានបង្កើតឡើង។ការត្រឡប់មកមាតុប្រទេសវិញបាននាំមកកាលានុវត្តភាពអភិវឌ្ឍន៍ថ្មីដល់ហុងកុង។ នៅឆ្នាំ១៩៩៧   ទំហំGDPហុងកុងគឺ 1.37 ទ្រីលានដុល្លាហុងកុង ឈានដល់ឆ្នាំ២០២១  ទំហំGDPហុងកុងបានកើនដល់ 2.86  ទ្រីលានដុល្លាហុងកុង។

       ក្រោមគោលនយោបាយ “ប្រទេសមួយប្រព័ន្ធគ្រប់គ្រងពីរ”  តំបន់រដ្ឋបាលពិសេសចិនហុងកុងបានក្លាយជាតួអង្គសេដ្ឋកិច្ចដ៏សេរីបំផុតលើពិភពលោក ជាចំណែកសំខាន់នៃតំបន់មហាឈូងសមុទ្រក្វាងតុង-ហុងកុង-ម៉ាកាវ ដែលជាតំបន់ឈូងសមុទ្រធំឈានមុខចំនួន៤លើពិភពលោក និងអភិវឌ្ឍលឿនបំផុត សម្បូរធនធានមនុស្ស  បរិស្ថានគ្រប់គ្រងតាមច្បាប់ល្អប្រសើរ។ល។

       រយៈពេល ២៥ ឆ្នាំបន្ទាប់ពីបានវិលត្រឡប់មកមាតុប្រទេសវិញ ក្រោមការគាំទ្រនៃរដ្ឋាភិបាលមជ្ឈិម  ហុងកុងបានយកជំនះវិបត្តិជាច្រើនលើក  នៅពេលអនាគតក៏នឹងបន្តរក្សាឋានៈជាមជ្ឈមណ្ឌលហិរញ្ញវត្ថុ នាវាចរណ៍ និងពាណិជ្ជកម្មអន្តរជាតិ ។ ឱ្យតែហុងកុងបន្តរួមបញ្ចូលយ៉ាងសកម្មក្នុងផែនការជាតិ ចាំបាច់នឹងពង្រីកទំហំអភិវឌ្ឍន៍កាន់តែធំធេងនៅពេលក្រោយ៕