ចាប់តាំងពីសមាជបក្សកុម្មុយនីស្តចិនលើកទី ១៨ មក ទំហំនៃអាកាសចរណ៍ស៊ីវិលនិងការដឹកជញ្ជូននៃប្រទេសចិនបានកើនឡើងយ៉ាងឆាប់រហ័ស ហើយចំនួនអ្នកដំណើរនៃអាកាសចរណ៍ស៊ីវិលមានអត្រា ៣៣.១% នៃប្រព័ន្ធគមនាគមន៍ដឹកជញ្ជូនចម្រុះនៃប្រទេសចិន។ ប្រទេសចិនបានចុះហត្ថលេខាលើកិច្ចព្រមព្រៀងដឹកជញ្ជូនតាមផ្លូវអាកាសទ្វេភាគីជាមួយប្រទេសនិងតំបន់ចំនួន ១២៨ និងបានបើកខ្សែផ្លូវហោះហើរអន្តរជាតិចំនួន ៨៩៥ ខ្សែ ។
ក្នុងរយៈពេល ១០ ឆ្នាំចុងក្រោយនេះ ផ្នែកអាកាសចរណ៍ស៊ីវិលរបស់ប្រទេសចិនបានសាងសង់ថ្មី ឬផ្លាស់ប្តូរទីតាំងអាកាសយានដ្ឋានដឹកជញ្ជូនសរុបចំនួន ៨២ កន្លែង ហើយចំនួនអាកាសយានដ្ឋាននៃប្រទេសចិនសរុបបានឡើងដល់ ២៥០ កន្លែង និងមានសមត្ថភាពទទួលអ្នកដំណើរលើសពី ១ ៤០០ លាននាក់ ។ ដោយឡែក បានបន្ថែមខ្សែផ្លូវហោះហើរថ្មីជាង ៣ ពាន់ខ្សែ ហើយចំនួនខ្សែផ្លូវហោះហើរសរុបបានឡើងដល់ចំនួន ៥ ៥៨១ ខ្សែ ។ ជាពិសេស បណ្តាញសេវាអាកាសចរណ៍ចិនបានគ្របដណ្ដប់លើតំបន់រដ្ឋបាលចំនួន ៩២ % ប្រជាជនចំនួន ៨៨ % ទំហំសេដ្ឋកិច្ចសរុបចំនួន ៩៣ % នៅទូទាំងប្រទេសចិន។
