ពិធីសម្ពោធបើកកិច្ចប្រជុំទ្វីបអាមេរិកលើកទី៩ដែលមានរយៈពេល៣ថ្ងៃបានបើកធ្វើនៅក្រុង Los Angelesសហរដ្ឋអាមេរិកកាលពីថ្ងៃទី៨ខែមិថុនា ។ ដោយសារមិនពេញចិត្តចំពោះគោលនយោបាយការទូតរបស់សហរដ្ឋអាមេរិក អ្នកដឹកនាំប្រទេសទ្វីបអាមេរិកជាច្រើនរូបមិនមានវត្តមានក្នុងកិច្ចប្រជុំលើកនេះ។
មុននេះ ក្រសួងការបរទេសសហរដ្ឋអាមេរិកយកលេសអ្វីដែលហៅថា “បញ្ហាប្រជាធិបតេយ្យ” បដិសេធមិនអញ្ជើញអ្នកដឹកនាំប្រទេសគុយបា ប្រទេសនីការ៉ាហ្គានិងប្រទេសវ៉េណេស៊ុយអេឡាចូលរួមកិច្ចប្រជុំទ្វីបអាមេរិក ។ ប្រទេសជាច្រើននៅតំបន់អាមេរិកឡាទីនបានសំដែងការមិនពេញចិត្តចំពោះរឿងនេះ ប្រធានាធិបតីម៉ិកស៊ិកប្រកាសធ្វើពហិការ ប្រទេសជាច្រើនដូចជាហ្គាតេម៉ាឡា ហុងឌូរ៉ាសនិងសាល់វ៉ាឌ័រជាដើម គ្រាន់តែចាត់បញ្ជូនគណៈប្រតិភូថ្នាក់ទាបឱ្យចូលរួមកិច្ចប្រជុំនេះ៕