លោក Lee Hsien Loong នាយករដ្ឋមន្ត្រីសិង្ហបុរីបានប្រកាសកាលពីថ្ងៃទី៦ខែមិថុនាថា លោកនឹងកែសម្រួលសមាសភាពគណៈរដ្ឋមន្ត្រី។លោក Lawrence Wong រដ្ឋមន្ត្រីហិរញ្ញវត្ថុ ដែលពេលកន្លងទៅត្រូវបានជ្រើសតាំងជាមេដឹកនាំថ្មីនៃក្រុមថ្នាក់ដឹកនាំជំនាន់ទី៤នៃគណបក្សប្រតិបត្តិការនៃប្រជាជន ដែលជាបក្សកាន់អំណាចនឹងទទួលតួនាទីជាឧបនាយករដ្ឋមន្ត្រី  ។ លោក Lawrence Wong ជានាយករដ្ឋមន្ត្រីស្តីទី ខណៈពេលដែលលោក Lee Hsien Loong ឈប់សម្រាកឬចេញទៅបំពេញទស្សនកិច្ចនៅក្រៅប្រទេស។

ការកែសម្រួលសមាសភាពគណៈរដ្ឋមន្ត្រីលើកនេះនឹងចូលជាធរមានពីថ្ងៃទី ១៣ ខែមិថុនាខាងមុខតទៅ៕