កម្មវិធីពិសេសរបស់ CGTN យកចិត្តទុកដាក់ចំពោះបញ្ហាដែលព័ត៌មានចម្រុះកំពុងបំភាន់មនុស្ស និងធ្វើឱ្យអ្វីៗកាន់តែអាក្រក់អំឡុងពេលផ្ទុះការរីករាលដាលនៃជំងឺឆ្លង ។ ខណៈពេលដែលស្ថាប័នសុខាភិបាលអំពាវនាវឱ្យពាក់ម៉ាស់នៅកន្លែងសាធារណៈក្នុងផ្ទះ ប៉ុន្តែចលនាប្រឆាំងការពាក់ម៉ាស់បានតវ៉ាឱ្យលុបបំបាត់វិធានការនេះដោយយកសិទ្ធិសេរីភាពជាលេស ។ បុគ្គលិកពេទ្យហត់នឿយ និងខ្វះធនធាន ប៉ុន្តែមន្ទីរពេទ្យអ្នកមានទទួលបានប្រាក់ឧបត្ថម្ភពីរដ្ឋាភិបាលកាន់តែច្រើន ។ អ្វីជាបញ្ហាកាន់តែអាក្រក់នោះគឺ គ្រូពេទ្យ និងគិលានុបដ្ឋាយិកាត្រូវតែសម្រេចចិត្តថា តើអ្នកជំងឺមួយណាត្រូវជួយសង្គ្រោះ និងមួយណាដែលត្រូវទុកឱ្យតាមព្រហ្មលិខិត។