ថ្ងៃទី២២ខែឧសភា មហាសន្និបាតអង្គការសុខភាពពិភពលោកលើកទី៧៥បានបើកធ្វើនៅក្រុងហ្សឺណែវនៃប្រទេសស្វ៊ីស នេះគឺជាកិច្ចប្រជុំទល់មុខជាលើកដំបូងរបស់អង្គការសុខភាពពិភពលោកបន្ទាប់ពីបានផ្ទុះការរីករាលដាលនៃជំងឺកូវីដ១៩អស់រយៈពេលជាង២ឆ្នាំមក។
ពេលថ្លែងសុន្ទរកថាក្នុងពិធីបើកមហាសន្និបាត លោកតេដ្រូសអគ្គនាយកអង្គការសុខភាពពិភពលោកបានគូសបញ្ជាក់ថា "ការរីករាលដាលនៃជំងឺកូវីដ១៩នឹងមិនបញ្ចប់នៅតំបន់ណាមួយនោះទេ វៀរលែងតែវាបានបញ្ចប់នៅគ្រប់ទីកន្លែងលើពិភពលោក”។
លោកតេដ្រូសបានថ្លែងថា បណ្តាប្រទេសនានាគួរសម្រេចក្នុងពេលឆាប់ៗនូវគោលដៅចាក់វ៉ាក់សាំងឱយបាន៧០%ដែលកំណត់ដោយអង្គការសុខភាពពិភពលោក ក្នុងពេលជាមួយគ្នានេះ ត្រូវផ្តល់អាទិភាពដល់ការចាក់វ៉ាក់សាំងជូនបុគ្គលិកសុខាភិបាលទាំងអស់ មនុស្សមានអាយុលើសពី៦០ឆ្នាំនិងក្រុមមនុស្សដែលមានហានិភ័យខ្ពស់ផ្សេងទៀត៕