តាមដំណឹងដែលប្រកាសដោយផេកក្រសួងការបរទេសរុស្ស៊ីនាថ្ងៃទី ១ ខែឧសភាបានឱ្យដឹងថា លោក Sergei Lavrov រដ្ឋមន្ត្រីការបរទេសរុស្ស៊ីបានថ្លែងថា រុស្ស៊ីនឹងមិនបញ្ចប់ប្រតិបត្តិការយោធាពិសេសមុនទិវាជ័យជម្នះសង្គ្រាមការពារជាតិថ្ងៃទី ៩ ខែឧសភាដោយចេតនានោះឡើយ។
លោក Sergei Lavrov បានបន្តថា ការវិវឌ្ឍនៃប្រតិបត្តិការយោធាពិសេសនៅអ៊ុយក្រែនមុនដំបូងគឺអាស្រ័យទៅលើការ"ចាំបាច់ត្រូវកាត់បន្ថយហានិភ័យចំពោះជនស៊ីវិលនិងបុគ្គលិកកងទ័ពរុស្ស៊ីដល់កម្រិត អតិបរមា"។
លើសពីនេះ លោក Sergei Lavrov ថ្លែងថា រុស្ស៊ីមិនទាមទារឱ្យលោក Volodymyr Zelensky ប្រធានាធិបតីអ៊ុយក្រែនចុះចាញ់ទេ តែគឺទាមទារឱ្យលោកបញ្ជាឱ្យដោះលែងជនស៊ីវិលទាំងអស់ ព្រមទាំងឈប់ធ្វើការប្រឆាំងតទល់។ គោលដៅរបស់រុស្ស៊ី"មិនរួមទាំងការផ្លាស់ប្តូររដ្ឋអំណាចអ៊ុយក្រែន"នោះឡើយ៕