យោងតាមទិន្នន័យដែលចេញផ្សាយដោយក្រសួងពាណិជ្ជកម្មសហរដ្ឋអាមេរិកនៅថ្ងៃទី២៨ ខែមេសា តាមម៉ោងក្នុងតំបន់ឱ្យដឹងថា តម្លៃផលិតផលក្នុងស្រុកសរុប (GDP) របស់សហរដ្ឋអាមេរិកពីខែមករាដល់ខែមីនា ឆ្នាំ ២០២២នេះបានធ្លាក់ចុះ ១.៤% ដែលជាអត្រាទាបបំផុតក្នុងរយៈពេលពីរឆ្នាំបន្ទាប់ពីផ្ទុះការរីករាលដាលនៃជំងឺកូវីដ១៩កន្លងមក។
ពេលបច្ចុប្បន្ន មូលហេតុសំខាន់ដែលបណ្តាលឱ្យមានការធ្លាក់ចុះនៃសេដ្ឋកិច្ចអាមេរិកគឺ ភាពច្របូកច្របល់នៃខ្សែសង្វាក់ផ្គត់ផ្គង់ អត្រាអតិផរណាខ្ពស់ក្នុងកំណត់ត្រាប្រវត្តិសាស្រ្ត និងកង្វះខាតកម្លាំងពលកម្មនៅក្នុងសហរដ្ឋអាមេរិក។