លោក Zelensky ប្រធានាធិបតីអ៊ុយក្រែនបានជួបសន្ទនាជាមួយលោក Guterres អគ្គលេខាធិការអង្គការសហប្រជាជាតិដែលកំពុងបំពេញទស្សនកិច្ចនៅទីក្រុង Kyiv រដ្ឋធានីនៃប្រទេសអ៊ុយក្រែនកាលពីថ្ងៃទី ២៨ ខែមេសា ។ភាគីទាំងពីរបានពិភាក្សាលើបញ្ហាមួយចំនួនដូចជាការជម្លៀសអ្នកក្រុង Mariupol ជាដើម។

លោក Guterres បានថ្លែងថា ខណៈពេលដែលជំរុញឱ្យមានការឈប់បាញ់ទាំងស្រុងរវាងអ៊ុយក្រែននិងរុស្ស៊ី អង្គការសហប្រជាជាតិក៏នឹងបន្តខិតខំប្រឹងប្រែងចាត់វិធានការជាក់ស្តែងដើម្បីជួយសង្គ្រោះជីវិតមនុស្ស និងកាត់បន្ថយទុក្ខវេទនា ក្នុងនោះរួមទាំងការរក្សារបៀងមនុស្សធម៌ប្រកបដោយប្រសិទ្ធភាព ការសម្រេចបាននូវការឈប់បាញ់នៅតំបន់មួយចំនួន និងការផ្តល់ផ្លូវសុវត្ថិភាពសម្រាប់ជនស៊ីវិល និងការផ្គត់ផ្គង់សម្ភារៈ ៕