ពេលថ្មីៗនេះ តម្លៃស្បៀងពិភពលោកបានឡើងថ្លៃយ៉ាងខ្លាំង ទិន្នន័យស្ថិតិថ្មីបំផុតនៃអង្គការស្បៀងនិងកសិកម្មនៃអង្គការសហប្រជាជាតិបានបង្ហាញថា សន្ទស្សន៍តម្លៃស្បៀងពិភពលោកក្នុងខែមីនាបានបង្កើតកំណត់ត្រាខ្ពស់បំផុត។
ថ្ងៃទី១២ខែមេសា លោកBidenប្រធានាធិបតីសហរដ្ឋអាមេរិកបានប្រកាសចាត់វិធានការបន្ទាន់ ដោយបង្កើនបរិមាណលក់ជីវឥន្ធនៈ ដើម្បីទប់ស្កាត់ការឡើងថ្លៃសាំង ។ យោងតាមស្ថិតិមិនទាន់ពេញលេញបានឱ្យដឹងថា នៅឆ្នាំ២០២១ស្បៀងប្រើសម្រាប់ផលិតជាជីវឥន្ធនៈនៅសហរដ្ឋអាមេរិក ប្រទេសប្រេស៊ីលនិងសហភាពអឺរ៉ុបប្រហែលមានចំនួន៣០០លានតោន។ ជីវឥន្ធនៈ រួមមានអេតាណុលជីវសាស្រ្តនិងប្រេងម៉ាស៊ូតជីវសាស្រ្ត បច្ចុប្បន្នភាគច្រើនត្រូវបានផលិតដោយប្រើស្បៀងជាវត្ថុធាតុដើម អាចជំនួសប្រេងសាំង និងម៉ាស៊ូតដែលផលិតពីប្រេងកាត។ ពេលថ្មីៗនេះ តម្លៃប្រេងកាតពិភពលោកឡើងថ្លៃយ៉ាងខ្លាំង តម្រូវការខាងជីវឥន្ធនៈក៏បានកើនឡើង៕