魏伟
ភាសាខ្មែរ

ព័ត៌មាន​សំខាន់​ៗ​

《ផ្លូវសតវត្សរ៍ក្នុងរូបភាព》ភាគទីពីរ៖ពិធីបង្កើតប្រទេសចិនថ្មី

2021-11-12 11:18:50 cri

    គំនូរ​ប្រេងមួយ​ផ្ទាំង​នេះ​មានចំណង​ជើងថា《ពិធីបង្កើតប្រទេសចិនថ្មី》បាន​គូរ​នៅ​ឆ្នាំ ​១៩៥២ ​ដែល​ប្រទេសចិនថ្មី​បង្កើត​ឡើង​បាន​ ៣ ​ឆ្នាំ ​។ ​គំនូរ​នេះ​បាន​បង្ហាញ​ដោយ​រស់រវើក​នូវ​ព្រឹត្តិការណ៍ដ៏សំខាន់​ដែល​បាន​ចារឹក​ក្នុងប្រវតិ្តសាស្ត្រ​នៃ​ការ​បង្កើត​សាធារណរដ្ឋប្រជាមា​និត​ចិន ​។​

   កាលពី​ថ្ងៃទី ​១ ​ខែតុលា ​ឆ្នាំ ​១៩៤៩ ​កងទ័ព​និង​ប្រជាជន​ចំនួន ​៣០ ​ម៉ឺននាក់​នៅទីក្រុង​ប៉េកាំង​បាន​ជួបជុំគ្នា​នៅទីលាន ​Tian ​An ​men ​ដោយ​រួមគ្នា​ទន្ទឹងរង់ចាំ​ខណៈពេល​ជា​ប្រវតិ្តសាស្ត្រ​ដ៏សំខាន់​មួយ​នេះ ​។ ​ក្នុង​សម្រែក​សាទរ​យ៉ាង​រំភើប​រីករាយ​របស់ប្រជាជន ​លោក ​ម៉ៅ ​សេទុង ​ប្រធាន​រដ្ឋចិន​បាន​ប្រកាស​យ៉ាងម៉ឺងម៉ាត់​ចំពោះ​ទូទាំង​ពិភពលោក​ថា៖​"រដ្ឋាភិបាល​មជ្ឈិម​នៃ​សាធារណ​រដ្ឋប្រជាមានិតចិន​បាន​បង្កើតឡើង​ហើយ" ​។​

    គួររំលឹកថា ​នៅពីក្រោយ​ពិធីបង្កើតប្រទេសចិនថ្មី​គឺ ​មាន​រឿងរ៉ាវ​ដែល​មនុស្ស​តិចតួច​បាន​ដឹង​។ ​នៅកាលនោះ ​ប្រទេសចិន​ខ្វះខាត​សម្ភារៈ​គ្រប់បែបយ៉ាង ​សូម្បី​ក្រណាត់​សម្រាប់​ផលិត​ទង់ជាតិ​សម្រាប់ប្រើ​ក្នុង​ពិធីបង្កើតរដ្ឋ​ក៏​ពិបាក​រកបានដែរ ​។ ​នៅចុងបំផុត ​ស្ថាប័នពាក់​ព័ន្ធ​បាន​ពុះពារ​ឧបសគ្គ​គ្រប់​បែប​យ៉ាង ​ទើបអាច​ផលិតទង់ជាតិ​រួចរាល់ ​ហើយ​ពេលនោះ​គឺ ​ព្រឹក​ព្រលឹម​នៃ​ថ្ងៃ​ប្រារព្ធពិធី​បង្កើត​រដ្ឋ ​។​

    ក្រោម​ការដឹកនាំ​នៃ​បក្សកុម្មុយនិស្តចិន ​ឆ្លងតាម​រយៈ​ការអភិវឌ្ឍ​អស់រយៈពេល​ជាង ​៧០ ​ឆ្នាំ ​ប្រទេសចិន​សម្រេចបាន​នូវ​បម្រែបម្រួល​ជាប្រវត្តិសាស្ត្រ​ដែល​គួរឱ្យកត់សម្គាល់​បើ​ប្រៀប​ធៀបនឹង​មុនពេល​បង្កើត​សាធារណរដ្ឋប្រជាមានិតចិន ​។ ​មិន​ថា​ក្នុង​ប្រវត្តិសាស្ត្រ​របស់​ប្រជាជាតិចិន​ឬ​ក៏​ក្នុង​ប្រវត្តិសាស្ត្រ​ពិភពលោក​ក៏ដោយ ​នេះ​គឺ​ជា​ដំណើរ​ដ៏​អស្ចារ្យ​ដែល​ធ្វើឱ្យ​ពិភពលោក​មានការភ្ញាក់ផ្អើល​យ៉ាងខ្លាំង ​៕​

អ្នកបកប្រែ:魏伟
ប្លុកពិសេស