ថ្ងៃទី ៣១ ខែសីហា មហាសន្និបាតបច្ចេកវិទ្យា៥Gពិភពលោកឆ្នាំ ២០២១ បានធ្វើនៅក្រុងប៉េកាំង ។ ភ្ញៀវកិត្តិយសជាច្រើនរូបបានថ្លែងថា ប្រទេសចិនរីករាយក្នុងការបង្កើនកិច្ចសហប្រតិបត្តិការជាមួយសហគមន៍អន្តរជាតិ ដើម្បីរួមគ្នាជំរុញការអភិវឌ្ឍបន្ថែមទៀតនៃឧស្សហកម្ម៥G ។
ឆ្នាំ ២០១៩ ប្រទេសចិនចាប់ផ្តើមប្រើប្រាស់បច្ចេកវិទ្យា៥Gលើវិស័យពាណិជ្ជកម្ម ។ ពីរឆ្នាំកន្លងមក ប្រទសចិនបានកសាងស្ថានីយ៥Gចំនួន ៩៩.៣ ម៉ឺន ចំនួនទូរស័ព្ទចល័តប្រើសេវា៥Gលើសពី ៣.៩២ រយលានដែលបានក្លាយជាប្រព័ន្ធឧស្សហកម្ម៥Gធំបំផុតនៅលើពិភពលោក ។
លោក XiaoYaqing រដ្ឋមន្ត្រីក្រសួងឧស្សហកម្មនិងបច្ចេកវិទ្យាព័ត៌មានចិនបានថ្លែងក្នុងមហាសន្និបាតលើកនេះថា បច្ចុប្បន្ននេះ ការប្រើប្រាស់សេវា៥Gនៅទូទាំងប្រទេសចិនបានគ្របដណ្តប់លើមុខរបរនិងវិស័យសំខាន់ៗនៃសេដ្ឋកិច្ចជាតិចំនួន ២២ ដូចជាដែកថែប អគ្គិសនី ភ្នំរ៉ែជាដើមដែលបានក្លាយជាកម្លាំងចលករថ្មីដែលនាំមុខការអភិវឌ្ឍប្រកបដោយគុណភាពខ្ពស់នៅប្រទសេចិន ។ បច្ចេកវិទ្យា៥Gនៃប្រទេសចិនបានរីកចម្រើនក្នុងដំណើរបើកទូលាយនិងកិច្ចសហប្រតិបត្តិការ ។ យើងនឹងបន្តបង្កើនការផ្លាស់ប្តូរអន្តរជាតិ ដើម្បីបង្កបរិយាកាសប្រកបដោយភាពបើកទូលាយសមភាព យុត្តិធម៌និងមិនរើសអើង ។ សូមស្វាគមន៍សហគ្រាសនៃប្រទេសនានាចូលរួមកិច្ចកសាងបច្ចេកវិទ្យា៥Gនៅប្រទេសចិន ៕
