“才者，德之资也；德者，才之帅也”មានប្រភពមកពី《资治通鉴·周纪》របស់អ្នកនយោបាយនៅរជ្ជកាលសុងខាងជើង ។ ឃ្លានេះមានន័យថា គុណធម៌និងសីលធម៌ត្រួតលើសមត្ថភាព ទេពកោសល្យនិងសមត្ថភាពគឺជាកត្តាជំនួយនៃគុណធម៌ ។
រយៈពេលរាប់ពាន់ឆ្នាំមកនេះ មនុស្សយើងបានបង្កើតស្តង់ដាសម្រាប់ជ្រើសរើសនិងតែងតាំងមនុស្សដោយផ្អែកលើមូលដ្ឋាននេះ គឺត្រូវមានទាំងសីលធម៌និងសមត្ថភាព ប៉ុន្តែសីលធម៌ជាអាទិភាព ។ វប្បធម៌ចិនបានយកចិត្តទុកដាក់ខ្ពស់ចំពោះសីលធម៌តាំងពីសម័យបុរាណមក ហើយតែងតែឱ្យតម្លៃលើសីលធម៌ជាអាទិភាព ។ កាលពីឆ្នាំ ២០១៨ លោក Xi Jinping ប្រធានរដ្ឋចិនធ្លាប់ប្រើឃ្លា“才者，德之资也；德者，才之帅也”ដើម្បីគូសបញ្ជាក់ពីសារៈសំខាន់នៃការដែលមានទាំងសីលធម៌និងសមត្ថភាព និងការតម្កល់សីលធម៌ជាអាទិភាព ។
គ្រូបង្រៀនស្រីម្នាក់ឈ្មោះ Zhang Guimei ធ្វើការងារអប់រំនៅតំបន់ភ្នំអស់រយៈពេលជាង ៤០ ឆ្នាំនិងបង្កើតវិទ្យាល័យសិស្សនារីបង្រៀនឥតគិតថ្លៃទីមួយនៅទូទាំងប្រទេសចិន
តាំងពីឆ្នាំ ២០០៨ ដែលវិទ្យាល័យនេះបានបង្កើតឡើងមក លោកស្រី Zhang Guimei បានជួយឱ្យសិស្សស្រីនៃគ្រួសារក្រីក្រចំនួន ១៨០៤ នាក់ចេញពីតំបន់ភ្នំ គាត់តែងតែប្រកាន់ខ្ជាប់នូវគំនិតដែលយកការអប់រំ ដើម្បីទប់ស្កាត់ភាពក្រីក្រពីមួយជំនា់ទៅមួយជំនាន់ ។ មានសីលធម៌ទើបមានសមិទ្ធផល ។ យោងតាមស្ថិតិ អត្រាសិស្សវិទ្យាល័យនេះបានប្រឡងចូលរៀនក្នុងសាកលវិទ្យាល័យត្រូវជា ៩៤% ដែលជាប់ចំណាត់ថ្នាក់លេខ ១ នៅក្រុងLijiang ។ រយៈពេលជាច្រើនឆ្នាំមក លោកស្រី Zhang Guimei បានធ្វើដំណើរចម្ងាយ ១១ ម៉ឺនគីឡូម៉ែត្រទៅផ្ទះរបស់សិស្សស្រីម្នាក់ៗចំនួន ១៦០០ ដង ។ គាត់បានយកប្រាក់ខែរបស់ខ្លួន ប្រាក់រង្វាន់និងប្រាក់បរិច្ចាគទាំងអស់សរុប ១ លានយាន់ទៅចំណាយលើកិច្ចការអប់រំរបស់ក្មេងស្រីនៅតំបន់ភ្នំ ។ លោកស្រី Zhang Guimei បង្ហាញពីក្តីស្រឡាញ់ដ៏ធំធេង ដើម្បីកសាងសីលធម៌គ្រូបង្រៀន និងបកស្រាយពីអត្ថន័យនៃការទទួលខុសត្រូវនិងការលះបង់របស់គ្រូបង្រៀនតាមរយៈសកម្មភាពជាក់ស្តែងរបស់ខ្លួន ។
ប៉ុន្មានឆ្នាំចុងក្រោយនេះ កម្រិតអប់រំនៅក្នុងតំបន់ក្រីក្ររបស់ប្រទេសចិនបានប្រសើរឡើងបន្តិចម្តង ៗ ដែលមិនអាចចែកដាច់ពីការខិតខំប្រឹងប្រែងរបស់គ្រូបង្រៀនទាំងនេះឡើយ ។ ក្រោមឥទ្ធិពលរបស់លោកស្រី Zhang Guimei នឹងមានមនុស្សកាន់តែច្រើនឡើងៗលះបង់ខ្លួនឯងសម្រាប់បម្រើកិច្ចការអប់រំនៅតំបន់ក្រីក្រនាពេលអនាគត ។
