ថ្ងៃទី១ ខែកក្កដា មហាសន្និបាតអបអរសាទរខួប១០០ឆ្នាំនៃការបង្កើតបក្សកុម្មុយនិស្តចិនបានបើកធ្វើយ៉ាងឱឡារិកនៅក្រុងប៉េកាំង។លោកXi Jinpingអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានលើកឡើងថា ប្រជាជាតិចិនឆ្លងកាត់ដំណើរលោតផ្លោះដ៏មហិមាដែលក្រោកឈរឡើង សម្បូរសម្បាយនិងកាន់តែខ្លាំងក្លា ហើយការសម្រេចបាននូវការស្តារភាពរុងរឿងដ៏មហិមានៃប្រជាជាតិចិនឡើងវិញបានឈានចូលដំណើរការប្រវត្តិសាស្ត្រដែលមិនអាចបង្វិលថយក្រោយបាន។
លោកXi Jinpingបានថ្លែងថា ១០០ឆ្នាំកន្លងទៅនេះ ការខិតខំតស៊ូ ពលីនិងបង្កើតសមិទ្ធផលទាំងអស់ដែលបក្សកុម្មុយនិស្តចិនបានសាមគ្គីនិងដឹកនាំប្រជាជនចិនគឺធ្វើក្រោមប្រធានបទតែមួយ ពោលគឺសម្រេចការស្តារភាពរុងរឿងដ៏មហិមានៃប្រជាជាតិចិនឡើងវិញ។ក្រោមការដឹកនាំរបស់បក្សកុម្មុយនិស្តចិន បដិវត្តន៍ប្រជាធិបតេយ្យនិយមថ្មីបានបង្កើតល័ក្ខខ័ណ្ឌមូលដ្ឋាននៃសង្គមសម្រាប់ការសម្រេចគោលដៅនេះ បដិវត្តន៍និងការកសាងសង្គមនិយមបានបង្កើតល័ក្ខខ័ណ្ឌនយោបាយនិងមូលដ្ឋានរបប ការបើកចំហនិងកំណែទម្រង់ព្រមនិងការកសាងសង្គមនិយមទំនើបបានផ្តល់ការធានាខាងរបបដែលពោរពេញដោយកម្លាំងរស់វើកថ្មីនិងល័ក្ខខ័ណ្ឌសម្ភារៈដែលវិវឌ្ឍរីកចម្រើនយ៉ាងឆាប់រហ័ស សង្គមនិយមដែលមានលក្ខណៈពិសេសចិនក្នុងយុគសម័យថ្មីបានផ្តល់ការធានាខាងរបបដែលកាន់តែមានសុក្រឹតភាព មូលដ្ឋានសម្ភារៈកាន់តែរឹងមាំនិងកម្លាំងស្មារតីកាន់តែម្ចាស់ការ៕
