តាមដំណឹងនៃការិយាល័យវិស្វកម្មអវកាសដឹកមនុស្សរបស់ចិនបានឲ្យដឹងថា នៅវេលាម៉ោង ២០ និង ៥៥ នាទីកាលពីថ្ងៃទី ២៩ ឧសភា រ៉ុក្កែតដឹកជញ្ជូន Long March 7 ដែលដឹកយានអវកាសដឹកទំនិញ TianZhou ២ ត្រូវបានបាញ់បង្ហោះតាមពេលកំណត់នៅមជ្ឈមណ្ឌលបាញ់បង្ហោះយានអវកាសវេនឆាង ប្រទេសចិន ក្រោយពីប្រមាណ ៦០៤ វិនាទី យានអវកាសបានបំបែកចេញពីរ៉ុក្កែតដោយជោគជ័យនិងហោះចូលទៅក្នុងគន្លងតារាវិថីដែលបានកំណត់ទុកជាមុន។ វេលាម៉ោង២១និង១៧នាទី ស្លាបសូឡាទាំងសង្ខាងនៃយានអវកាសបានដំណើរការដោយរលូន ភារកិច្ចបាញ់បង្ហោះលើកនេះទទួលបានជោគជ័យដោយគាប់ប្រសើរ ។