ប៉ិស្តិ៍ទូរទស្សន៍មានរូបភាពច្បាស់ខ្លាំងទម្រង់ 8K នៃអគ្គស្ថានីយវិទ្យុនិងទូរទស្សន៍មជ្ឈិមចិន (CMG) បានដំណើរការសាកល្បងពីថ្ងៃទី១ ខែកុម្ភៈនេះតទៅ។
លោក Shen Haixiong អនុរដ្ឋមន្ត្រីក្រសួងឃោសនាការណ៍នៃគណៈកម្មាធិការមជ្ឈិមបក្សកម្មុយនិស្តចិន និងជាអគ្គនាយកCMG បានអញ្ជើញចូលរួមពិធីដាក់ឱ្យដំណើរការ ព្រមនិងរួមជាមួយបណ្តាថ្នាក់ដឹកនាំប្រតិបត្តិការទូរគមនាគមន៍ដាក់ឱ្យដំណើរការសាកល្បង ។ នេះជាការផ្សាយផ្ទាល់តាមទម្រង់រូបភាពភ្លឺច្បាស់ខ្លាំង 8K តាមកញ្ចក់ទូរទស្សន៍ជាលើកដំបូងលើសកលលោក និងបានផ្សាយបន្តផ្ទាល់តាមបណ្តាញអ៊ីនធើណេត5G។
សូមបញ្ជាក់ថា នៅយប់ដាច់ឆ្នាំនៃថ្ងៃបុណ្យចូលឆ្នាំថ្មីប្រពៃណីចិន (ថ្ងៃទី១១ ខែកុម្ភៈ) ខាងមុខនេះ CMG នឹងធ្វើការផ្សាយផ្ទាល់អំពីកម្មវិធីរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនតាមរយៈប៉ុស្តិ៍ 8K ដែលជាការផ្សាយផ្ទាល់ជាលើកទីមួយលើលោកនៃបច្ចេកទេសភ្លឺច្បាស់ខ្លាំងទម្រង់ 8K ៕