កាលពីថ្ងៃទី១ខែវិចិ្ឆកា មហាសន្និបាតអំពីរឿងប្រឌិតបែបវិទ្យាសាស្ត្ររបស់ចិនឆ្នាំ២០២០ដែលផ្តួចផ្តើមរៀបចំដោយសមាគមវិទ្យាសាស្ត្រនិងបច្ចេកវិទ្យារបស់ចិននិងរដ្ឋបាលក្រុងប៉េកាំងបានបើកធ្វើនៅសួនឧស្សាហកម្មដែកថែបរដ្ឋធានីខណ្ឌ Shijingshan ក្រុងប៉េកាំង ។ ឆ្លងតាមរយៈការរៀបចំតាមរបៀបអនឡាញនិងរបៀបជាក់ស្តែងបាននាំមកនូវ “ចំណាប់អារម្មណ៍ចក្ខុវិស័យដ៏អធិកអធមផ្នែករឿងប្រឌិតបែបវិទ្យាសាស្ត្រ”មួយលើកដល់ប្រជាពលរដ្ឋតាមរយៈសកម្មភាពប្រកបដោយលក្ខណៈពិសេសដ៏សម្បូរបែបដូចជា វេទិកាប្រធានបទពិសេស ពិព័រណ៍សិល្បៈប្រឌិតបែបវិទ្យាសាស្ត្រនិងការចាក់បញ្ចាំងភាពយន្តប្រឌិតបែបវិទ្យាសាស្ត្រចិននិងអន្តរជាតិជាដើម ។
ពិព័រណ៍អំពីផលិតផលថ្មីនិងបច្ចេកវិទ្យាថ្មីដែលច្នៃប្រឌិតថ្មីដោយវិទ្យាសាស្ត្រនិងបច្ចេកវិទ្យា បានបង្ហាញនូវសមិទ្ធផលខាងវិទ្យាសាស្ត្រនិងបច្ចេកវិទ្យាឈានមុខលើវិស័យមួយចំនួនដូចជា ព័ត៌មានវិទ្យាជំនាន់ថ្មី ផលិតកម្មកំពូល សម្ភារៈថ្មី និងភាពវៃឆ្លាតសិប្បនិម្មិតជាដើម ។
តាមរបាយការណ៍ស្តីពីឧស្សាហកម្មប្រឌិតបែបវិទ្យាសាស្ត្ររបស់ចិនឆ្នាំ២០២០ដែលប្រកាសក្នុងមហាសន្និបាតឱ្យដឹងថា នៅឆ្នាំ២០១៩ ទំហំទឹកប្រាក់នៃការលក់សំបុត្រភាពយន្តប្រឌិតបែបវិទ្យាសាស្ត្រនៅទីផ្សារប្រទេសចិនគឺ១ម៉ឺន៩ពាន់៥រយ១១លានយាន់ប្រាក់ចិន ។