ស្នាដៃប្រធានបទដើម្បីរំលឹកខួបទី ៧០ នៃការដែលកងទ័ពស្ម័គ្រចិត្តប្រជាជនចិនជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់អាមេរិក បានត្រូវផ្សព្វផ្សាយជាលើកដំបូងនៅទីក្រុងប៉េកាំងនាថ្ងៃទី ២៥ ខែតុលា ឆ្នាំ២០២០នេះ ។ លោក Shen Haixiong អនុរដ្ឋមន្ត្រីក្រសួងឃោសនានៃមជ្ឈិមបក្សកុម្មុយនិសចិន អគ្គនាយក នៃអគ្គស្ថានីយវិទ្យុនិងទូរទស្សន៍មជ្ឈិមចិនCMG បានអញ្ជើញចូលរួមពិធីចេញផ្សាយ។
ដើម្បីរំលឹកខួបទី ៧០ នៃការដែលកងទ័ពស្ម័គ្រចិត្តប្រជាជនចិនជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់អាមេរិក នាកន្លងនេះ អគ្គស្ថានីយវិទ្យុនិងទូរទស្សន៍មជ្ឈិមចិនបានថតនិងផលិតភាពយន្តឯកសាររឿង « វីរជន » «ដើម្បីសន្តិភាព» « ជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់អាមេរិក ដើម្បីការពារមាតុប្រទេសជាតិ » និង «រាត្រីសមោសរសំដែងសិល្បៈ ដើម្បីរំលឹកខួបទី ៧០ នៃការដែលកងទ័ពស្មគ្រចិត្តប្រជាជនចិនជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់អាមេរិក » ។ ប៉ុន្មានថ្ងៃកន្លងនេះ ស្នាដៃទាំង ៤ នេះបានត្រូវចាក់បញ្ចាំងតាមកញ្ចក់ទូរទស្សន៍ រលកវិទ្យុសំឡេង និងប្រព័ន្ធបណ្តាញសារព័ត៌មានថ្មី ទទួលបានការគាំទ្រនិងកោតសរសើរយ៉ាងខ្លាំងពីមជ្ឈដ្ឋានទាំងអស់ សរុបបានទាក់ទាញទស្សនកជនចំនួនជាង ១៩០០ លាននាក់ចូលរួមតាមដានទស្សនា។ ដើម្បីឆ្លើយតបនឹងសំណូមពររបស់សាធារណជន ស្នាដៃទាំង ៤ នេះនឹងចេញផ្សាយជាផ្លូវការនៅទូទាំងពិភពលោក ចាប់ពីថ្ងៃនេះ។
ស្នាដៃទាំង ៤ នេះ នឹងត្រូវបកប្រែផលិតជាច្រើនភាសា មានដូចជា ភាសាអង់គ្លេស ភាសាបារាំង ភាសាអេស្ប៉ាញ់ ភាសាអារ៉ាប់ ភាសារុស្ស៊ីជាដើម ដែលនឹងចេញផ្សាយនៅ សកលលោក ។ ថែមពីនេះទៀត CMGនឹងផ្អែកវេទិការនៃសហគមន៍កិច្ចសហប្រតិបត្តិការទូរទស្សន៍អន្តរជាតិតាមផ្លូវសូត្រ សហរៀបចំការចាក់ផ្សាយអន្តរជាតិជាមួយសមាជិកចំនួន ១៣៣ នៃអង្គការនេះ ដែលបានគ្រប់ដណ្តប់ប្រទេសនិងតំបន់ចំនួន ៥៩ ។
សូមបញ្ជាក់ថា រឿងភាគឯកសារ «វីរជន» មាន ៦ ភាគ បានសម្ភាសន៍អតីតយុទ្ធជនចាស់ៗនៃកងទ័ពស្មគ្រចិត្តជាង១០០នាក់ ដើម្បីបង្ហាញជាថ្មី នូវសកម្មភាពដែលប្រជាជនចិនទូទាំងប្រទេស រួមចិត្តរួមថ្លើមគ្នា ដើម្បីជួយកូរ៉េខាងជើងប្រឆាំងអាមេរិក ។
ភាពយន្តឯកសារ «ដើម្បីសន្តិភាព» មាន ៦ ភាគ បាននិទានរឿងប្រវត្តិសាស្ត្រដោយតាមរយៈបទយកការណ៍និងបទវិភាគ ដើម្បីផ្សព្វផ្សាយសរសើរជ័យជំនះដ៏មហាសចារ្យ នៃសង្គ្រាមជួយកូរ៉េខាងជើងប្រឆាំងការឈ្លានពានរបស់អាមេរិក។
រឿងឯកសារ « ជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់អាមេរិក ដើម្បីការពារមាតុប្រទេសជាតិ » មាន ២០ ភាគ ។ បានផ្តោតលើចក្ខុវិស័យអន្តរជាតិ បានបង្ហាញឃ្លីបវីដេអូនិងក្រសាសឯកសារប្រវត្តិសាស្ត្រដ៏មានតម្លៃ ការពន្យល់ប្រវត្តិសាស្ត្រនៃវត្ថុបុរាណ ក្នុងបំណងបូកសរុបដោយគ្រប់ជ្រុងជ្រោយ នូវដំណាក់កាលពីដើមដល់ចប់ នៃប្រវត្តិសាស្ត្រសង្គ្រាមនេះ។
ចំណែកឯរាត្រីសមោសរសំដែងសិល្បៈ បានរៀបចំតាមពហុវិធី ដូចជាល្ខោនប្រពៃណីចិន ភ្លេងស៊ីនហ្វូនី ជាដើម ដើម្បីបង្ហាញនូវដំណើរដ៏អស្ចារ្យដែលកងទ័ពស្មគ្រចិត្តប្រជាជនចិន ប្រយុទ្ធប្រឆាំងនឹងសត្រូវដើម្បីរក្សាគាំពារសន្តិភាពអន្តរជាតិ៕