ក្រសួងលំនៅដ្ឋាននិងនគរូបនីយកម្មរបស់ប្រទេសចិនបានប្រាប់ឱ្យដឹងនាថ្ងៃទី 23 ខែកញ្ញាថា បន្ទាប់ពីចុះត្រួតពិនិត្យផ្ទាល់តាមគ្រួសារនីមួយៗ បានកំណត់ច្បាស់ថា មានគ្រួសារក្រីក្រជាង 2340 ម៉ឺនគ្រួសារ ដែលបានចុះឈ្មោះក្នុងបញ្ជីលុបបំបាត់ភាពក្រីក្ររបស់រដ្ឋាភិបាលចិន ឥឡូវសុទ្ធតែបានចូលស្នាក់នៅក្នុងលំនៅដ្ឋានសុវត្ថិភាពហើយ។
ក្នុងនោះ គ្រួសារក្រីក្រចំនួន 1157 ម៉ឺនគ្រួសារបានស្នាក់នៅផ្ទះសុវត្ថិភាពតាមរយៈវិធីជាច្រើនប្រភេទ ដូចជា ជួយជួសជុលផ្ទះទ្រុឌទ្រោម ការរើសទៅកន្លែងផ្សេងដែលសមស្របស្នាក់នៅ នឹងលំនៅដ្ឋានសាធារណៈនៅទីជនបទជាដើម។ ក្រៅពីនេះ ចាប់ពីសមាជបក្សកម្មុយនិស្តចិនលើកទី 18 មក រដ្ឋាភិបាលចិនបានជួយនិងគាំទ្រក្រុមមនុស្សងាយរងគ្រោះដូចជាគ្រួសារជនពិការក្រីក្រជាដើមដែលមានចំនួនជាង 1075 ម៉ឺនគ្រួសារ ឱ្យចូលស្នាក់ក្នុងផ្ទះសុវត្ថិភាព៕