ខ្លឹមសារអំពីការទប់ទល់នឹងបម្រែបម្រួលអាកាសធាតុដែលលើកឡើងក្នុងសុន្ទរកថារបស់លោកស៊ីជីនភីង ប្រធានរដ្ឋចិនក្នុងការជជែកដេញដោលជាទូទៅនៃមហាសន្និបាតអង្គការសហប្រជាតិលើកទី ៧៥ ត្រូវបានប្រព័ន្ធសារព័ត៌មានអន្តរជាតិយកចិត្តទុកដាក់ ។ មានអ្នកជំនាញការលោកខាងលិចថ្លែងថា ពាក្យសន្យារបស់ចិនបានលើកទឹកចិត្តដល់ពិភពលោកក្នុងប្រតិបត្តិការអាកាសធាតុ ។
ឥស្សរជនមជ្ឈដ្ឋាននានានៃប្រទេសជាច្រើនបានវាយតម្លៃខ្ពស់ចំពោះពាក្យសន្យារបស់ចិនដែលថា ការបញ្ចេញឧស្ម័នកាបូនិកនឹងឈានដល់ចំណុចកំពូលនៅមុនឆ្នាំ ២០៣០ ហើយខិតខំសម្រេចអព្យាក្រឹតកាបូនឱ្យបានមុនឆ្នាំ ២០៦០ ។
ទីភ្នាក់ងារព័ត៌មានBloombergចេញផ្សាយអត្ថបទក្រោមចំណងជើងថា ប្រទេសចិនបានធ្វើពាក្យសន្យាអំពីអព្យាក្រឹតកាបូនខ្លាំងជាងអាមេរិក ហើយបានក្រើនរំលឹកថា អាមេរិកដែលជាប្រទេសបញ្ចេញកាបូនសរុបច្រើនបំផុតក្នុងប្រវត្តិសាស្ត្រ គឺលើសពីការបញ្ចេញបូកនៃប្រទេសចិន អាល្លឺម៉ង់និងអង់គ្លេសទៅទៀត ប្រហែលនឹងដកចេញពីកិច្ចព្រមព្រៀងប៉ារីសជាផ្លូវការក្រោយពីការបោះឆ្នោតសកលនៅខែវិច្ឆិកា ៕