តើអ្វីជាការអភិវឌ្ឍន៍អាទិភាពរបស់ប្រទេសចិនក្នុងរយៈពេល ៥ ឆ្នាំខាងមុខនេះ?កាលពីថ្ងៃទី២២ខែកញ្ញា លោកស៊ីជីនភីងមេដឹកនាំកំពូលរបស់ប្រទេសចិនបានសង្កត់ធ្ងន់នៅក្នុងកិច្ចប្រជុំសន្ទនាជាមួយអ្នកជំនាញនិងតំណាងនៃវិស័យអប់រំ វប្បធម៌ សុខភាពនិងកីឡានៅទីក្រុងប៉េកាំងថា ប្រទេសចិនគួរតែផ្តល់សុខភាពរបស់ប្រជាជនក្នុងឋានៈយុទ្ធសាស្ត្រអភិវឌ្ឍន៍អាទិភាពក្នុងរយៈពេល ៥ ឆ្នាំខាងមុខនេះ អភិវឌ្ឍយ៉ាងពេញទំហឹងនូវកិច្ចការសុខភាពនិងសុខាភិបាល បង្កើនល្បឿននូវការកសាងប្រទេសខ្លាំងលើវិស័យកីឡា បន្តលើកកម្ពស់អារម្មណ៍ទទួលបាន សុភមង្គលនិងសុវត្ថិភាពរបស់ប្រជាជន។
បច្ចុប្បន្ននេះ ជំងឺកូវីដ១៩នៅតែបន្តរាលដាលនៅលើសកលលោក។ប្រទេសចិនដែលទទួលបានលទ្ធផលដ៏សំខាន់ក្នុងការគ្រប់គ្រងជំងឺឆ្លងកំពុងរៀបចំផែនការអភិវឌ្ឍន៍ចាប់ពីឆ្នាំ ២០២១ ដល់ឆ្នាំ ២០២៥ ។នៅក្នុងកិច្ចប្រជុំដែលរៀបចំសន្ទនានៅថ្ងៃទី២២ខែកញ្ញានោះ លោកស៊ីជីនភីងបានសង្កត់ធ្ងន់ថា ត្រូវពង្រឹងការកសាងក្រុមធនធានមនុស្សផ្នែកសុខាភិបាល ពង្រឹងការងារកីឡានៅតាមសាលារៀន និងជំរុញការអភិវឌ្ឍដោយសម្របសម្រួលគ្នារវាងនៃការសិក្សាវប្បធម៌និងការហាត់ប្រាណកីឡា៕
