របាយការណ៍នៃសកម្មភាពសន្ទនាពិភពលោកដែលអង្គការសហប្រជាជាតិទើបបានចេញផ្សាយនាថ្ងៃទី 21 ខែកញ្ញាបានបង្ហាញឱ្យឃើញថា អ្នកផ្តល់បទសម្ភាសន៍ចំនួន 87% បានសម្គាល់ឃើញថា កិច្ចសហប្រតិបត្តិការជាសកលមានសារៈសំខាន់ណាស់ក្នុងការឆ្លើយតបនឹងបញ្ហាប្រឈមនាពេលបច្ចុប្បន្ន ចំណែកឯសភាពការណ៍រាលដាលនៃជំងឺកូវីដ19បានធ្វើឱ្យកិច្ចសហប្រតិបត្តិការអន្តរជាតិក្លាយជាកិច្ចការកាន់តែបន្ទាន់ថែមទៀត។
អង្គការសហប្រជាជាតិបានចាប់ផ្តើមធ្វើសកម្មភាពសន្ទនានិងស្ទង់មតិស្តីពីអនាគតនៃមនុស្សជាតិនៅទូទាំងពិភពលោកចាប់ពីខែមករា ឆ្នាំ 2020 មក។ គិតត្រឹមថ្ងៃទី21 ខែកញ្ញា មនុស្សចំនួនជាង 100 ម៉ឺននាក់ដែលប្រកបអាជីពនិងមកពីមជ្ឈដ្ឋានខុសៗគ្នានៅទូទាំងពិភពលោកបានចូលរួមក្នុងសកម្មភាពមួយនេះ។
របាយការណ៍ខាងលើបានបង្ហាញទៀតថា អ្នកផ្តល់បទសម្ភាសន៍ចំនួន 60% បានសម្គាល់ថា អង្គការសហប្រជាជាតិបានជួយឱ្យពិភពលោកកាន់តែល្អបវរ ខណៈអ្នកផ្តល់បទសម្ភាសន៍ចំនួន 74% បានយល់ឃើញថា ក្នុងពេលឆ្លើយតបនឹងបញ្ហាប្រឈមជាសកកលមិនអាចគ្មានវត្តមានរបស់អង្គការសហប្រជាជាតិនោះទេ។ ព្រមពេលជាមួយនេះ អ្នកផ្តល់បទសម្ភាសន៍បានបង្ហាញការរំពឹងទុកថា អង្គការសហប្រជាជាតិនឹងធ្វើកំណែទម្រង់និងការច្នៃប្រឌិតថ្មី , ក្នុងសតវត្សរ៍ទី21 អង្គការសហប្រជាជាតិនឹងកាន់តែប្រកបដោយបរិយាប័ន្ន កាន់តែមានតុល្យភាព មានទំនួលខុសត្រូវកាន់តែច្រើន ក៏ដូចជាបំពេញការងារប្រកបដោយប្រសិទ្ធភាពកាន់តែខ្ពស់៕
