កាលពីថ្ងៃទី ៤ ខែកញ្ញា សន្និសីទរួមនៃរដ្ឋមន្ត្រីការពារជាតិប្រទេសជាសមាជិកអង្គការសហប្រតិបត្តិការក្រុងសៀងហៃ សហព័ន្ធប្រទេសឯករាជ្យនិងអង្គការសន្ធិសញ្ញាសន្តិសុខជាសមូហភាពបានរៀបចំធ្វើនៅជាយក្រុងម៉ូស្គូ លោកWeiFenghe សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការពារជាតិចិនបានអញ្ជើញចូលរួមនិងថ្លែងសុន្ទរកថា ។
លោកWeiFenghe បានថ្លែងថា ក្នុងឱកាសខួប ៧៥ ឆ្នាំ នៃការយកជ័យជម្នះក្នុងសង្គ្រាមប្រឆាំងហ្វាស៊ីសពិភពលោក ការបើកធ្វើសន្និសទីលើកនេះមានសារសំខាន់ជាពិសេស ។ ដោយរងការប៉ះពាល់នៃជំងឺកូវីដ១៩ ភាពមិននឹងនរនិងភាពមិនប្រាកដប្រជានៃស្ថានការណ៍អន្តរជាតិកាន់តែលេចធ្លោ ដូច្នេះ ការកសាងសហគមន៍រួមវាសនានៃមនុស្សជាតិកាន់តែមានភាពបន្ទាន់និងសារសំខាន់ ។ បណ្តាប្រទេសនានាគួរតែបង្កើនសាមគ្គីភាពប្រយុទ្ធប្រឆាំងនឹងជំងឺកូវីដ១៩ ទប់ទល់ឯកតោភាគីនិយមនិងអនុត្តរភាព ដោះស្រាយការខ្វែងគំនិតនិងការប៉ះទង្គិច ប្រកាន់ខ្ជាប់កិច្ចសហប្រតិបត្តិការនិងឈ្នះ-ឈ្នះ ពិភពលោកទាំងមូលរួមសាមគ្គីគ្នាក្នុងការពុះពារឧបសគ្គជាមួយគ្នា ។
លោកWeiFenghe បានថ្លែងថា ប្រទេសចិនប្រកាន់ខ្ជាប់ការដើរតាមផ្លូវអភិវឌ្ឍន៍ដោយសន្តិភាពជានិច្ច ខិតខំកសាងពិភពលោកដែលមានសុវត្ថិភាពជាទូទៅ ។ កងទ័ពចិនមានចិត្តប្តេជ្ញា សមត្ថភាពនិងជំនឿចិត្តក្នុងការការពារអធិបតេយ្យភាព សន្តិសុខផលប្រយោជន៍អភិវឌ្ឍន៍នៃប្រទេសជាតិ រីករាយរួមជាមួយបណ្តាភាគីបង្កើតសភាពការណ៍ថ្មីនៃកិច្ចសហប្រតិបត្តិការផ្នែកយោធាពហុភាគីឥតឈប់ឈរ ដើម្បីរួមចំណែកកាន់តែធំថ្មីសម្រាប់គាំពារសន្តិភាពនិងស្ថិរភាពពិភពលោកនិងតំបន់ ៕