បន្ទាប់ពីបានតុបតែងគូរគំនូររយៈពេល ១៣ ថ្ងៃ យន្តហោះសញ្ញា “DONG`AO Bing-Shuey” ទីមួយ ដែលជាយន្តហោះគូរគំនូរចម្រុះពណ៌ផ្សព្វផ្សាយពីព្រឹត្តិការណ៍ប្រកួតកីឡាអូឡាំពិករដូវរងាប៉េកាំងឆ្នាំ 2022 មានមុខមាត់ថ្មីស្រឡាង ដែលនឹងបង្ហាញខ្លួនជាផ្លូវការនៅថ្ងៃទី៥ ខែកញ្ញា ព្រមទាំងចូលបម្រើការងារដឹកជញ្ជូនភ្ញៀវជាលើកទីមួយផងដែរ ដែលនឹងហោះហើររវាងក្រុងប៉េកាំងនិងក្រុងឆឹងទូ ។
ឈ្មោះ “DONG`AO Bing-Shuey” គឺមានប្រភពពីតុក្កតាសេរីមង្គលឈ្មោះ Bing DwenDwen ដែលតំណាងដល់កីឡាអូឡាំពិករដូវរងាប៉េកាំង 2022 និងតុក្កតាសេរីមង្គលឈ្មោះ Shuey RhonRhon ដែលតំណាងដល់កីឡាផ៉ារ៉ាឡាំពិករដូវរងាប៉េកាំង2022 ក្នុងបំណងបង្ហាញនូវលក្ខណៈពិសេសនៃកីឡាទឹកកកផង និងបានផ្តោតសំខាន់លើទស្សនទានល្អបវរនៃព្រឹត្តិការណ៍ទឹកកកនិងព្រិលផង ពោលគឺ “ព្រិលស្អាតបរិសុទ្ធ ការកាត់ជួបដ៏គួរឱ្យរំភើប”៕