សកលភាវូបនីយកម្មសេដ្ឋកិច្ចជានិន្នាការអភិវឌ្ឍនៃប្រវត្តិសាស្រ្ត។
គ្មានប្រទេសណាមួយអាចដោះស្រាយនូវបញ្ហាប្រឈមនៃការអភិវឌ្ឍសេដ្ឋកិច្ចពិភពលោកដោយម្នាក់ឯងបានឡើយ ។
ទំហំពាណិជ្ជកម្មនាំចេញនិងនាំចូលខាងសេវាកម្មនៃប្រទេសចិនប្រចាំឆ្នាំ ២០១៩ មាន ៥លាន៤សែនលានយាន់ប្រាក់ចិន កាន់លំដាប់ថ្នាក់លេខ ២ លើពិភពលោកក្នុងរយៈពេល ៦ ឆ្នាំជាប់ៗគ្នា ។
នៅឆមាសទី ១ នៃឆ្នាំ ២០២០ ទំហំពាណិជ្ជកម្មនៃកុងត្រាសេវាកម្មដែលម៉ៅធ្វើដោយសហគ្រាសចិនមាន ៦សែន ៧ម៉ឺន ៩ពាន់ ៥រយ ៣០ លានយាន់ប្រាក់ចិន ។
លោកស៊ី ជីនភីង អគ្គលេខាធិកាគណៈកម្មាធិការមជ្ឈិមបក្សកុម្មុយនិស្តចិនបានចង្អុលបង្ហាញថា ទន្ទឹមនឹងសកលភាវូបនីយកម្មសេដ្ឋកិច្ចបានវិវឌ្ឍយ៉ាងស៊ីជម្រៅ ពាណិជ្ជកម្មខាងសេវាកម្មបានក្លាយទៅជាចំណែកដ៏សំខាន់នៃពាណិជ្ជកម្មអន្តរជាតិនិងវិស័យសំខាន់នៃកិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មនៃបណ្តាប្រទេសនានា ដែលបានបំពេញបន្ថែមកម្លាំងចលករថ្មីដល់កំណើនសេដ្ឋកិច្ចពិភពលោក ។ ការអភិវឌ្ឍន៍ពាណិជ្ជកម្មខាងសេវាកម្មមានអនាគតទូលំទូលាយ មានសក្តានុពលធំសម្បើម យើងគួរតែក្តាប់ជាប់កាលានុវត្តភាព សំដៅត្រួសត្រាយអនាគតដ៏ល្អបវរនៃការបម្រើដល់ទូទាំងពិភពលោក ផ្តល់ផលប្រយោជន៍ដល់គ្នាទៅវិញទៅមកនិងចែករំលែកគ្នា ។
ក្នុងនាមជាវេទិកាមួយក្នុងចំណោមពិព័រណ៍ធំទាំងបីរបស់ប្រទេសចិនដែលបើកចំហចំពោះក្រៅប្រទេស ដូចជាពិព័រណ៍នាំចេញនាំចូលចិននិងពិព័រណ៍នាំចូលចិនអន្តរជាតិ ក្នុងនាមជាពិព័រណ៍បែបចម្រុះផ្នែកពាណិជ្ជកម្មខាងសេវាកម្មទីមួយលើពិភពលោក ក៏ដូចជាសកម្មភាពសេដ្ឋកិច្ចនិងពាណិជ្ជកម្មអន្តរជាតិដ៏សំខាន់ទីមួយរបស់ប្រទេសចិនដែលបើកធ្វើនៅកន្លែងជាក់ស្តែងតាំងពីផ្ទុះឡើងជំងឺកូវីដ១៩កន្លងមក ពិព័រណ៍ពាណិជ្ជកម្មខាងសេវាកម្មអន្តរជាតិរបស់ប្រទេសចិនទទួលបានការយកចិត្តទុកដាក់ក្រៃលែងពីសំណាក់ពិភពលោក ៕
