ថ្ងៃទី ២៦ ខែសីហាជាខួបកំណើតទី ៤០ នៃតំបន់សេដ្ឋកិច្ចShenzhen ។ ពីភូមិនេសាទតូចកាលពីដើមក្លាយជាទីក្រុងអន្តរជាតូបនីយកម្មនាពេលបច្ចុប្បន្ន សហគ្រាសទុនបរទេសគឺជាអ្នកសាក្សី អ្នកស្ថាបនានិងអ្នកទទួលផលប្រយោជន៍ ។ តើសហគ្រាសទុនបរទេសទី១ដែលមកប្រចាំនៅមហាដីគោកចិនគឺក្រុមហ៊ុនណាមួយ ? កាលពីឆ្នាំ ១៩៧៩ ក្រុមហ៊ុនCharoen Pokphand Group ក៏បានទៅដល់ក្រុងShenzhenហើយ ដែលជាពាណិជ្ជករបរទេសដែលកាន់ប័ណ្ណអនុញ្ញាត្តិឱ្យវិនិយោគទុនលេខ0001នៃក្រុងShenzhen អាចនិយាយបានថាជាសហគ្រាសទុនបរទេសជើងចាស់នៃមហាដីគោកចិន ។ លោកYang Xiaoping អនុប្រធានក្រុមប្រឹក្សាភិបាលនិងជាCEOប្រចាំប្រទេសចិននៃក្រុមហ៊ុនCharoen Pokphand Groupបានទទួលបទសម្ភាសន៍ពិសេសពីអ្នកសារព័ត៌មានCCTV ដោយបានថ្លែងថា ពីដំណាក់កាលដើមនៃកំណែទម្រង់និងការបើកទូលាយមកដល់បច្ចុប្បន្ន ក្រុមហ៊ុនCharoen Pokphand Groupមានសុទិដ្ឋិនិយមចំពោះការអភិវឌ្ឍនៃប្រទេសចិនជានិច្ច ។
នាឆ្នាំ១៩២១ លោកXieYichuជនជាតិចិនសញ្ជាតិថៃបានបង្កើតក្រុមហ៊ុនCharoen Pokphand របស់ប្រទេសថៃ។ នាចុងឆ្នាំ១៩៧៨ គណៈកម្មាធិការមជ្ឈិមបក្យកុម្មុយនិស្តចិនបានសម្រេចចិត្តធ្វើកំណែទម្រង់និងបើកចំហ លោកXieYichuបានសម្រេចភ្លាមថា ក្រុមហ៊ុន Charoen Pokphand នឹងទៅអភិវឌ្ឍនៅប្រទេសចិន ទោះបីជាក្រុមហ៊ុនCharoenPokphandបានអភិវឌ្ឍយ៉ាងល្អនៅគ្រប់តំបន់លើពិភពលោកក្តី ប្រសិនបើកមិនបានរួមវិភាគទានដល់មាតុភូមិ ខ្ញុំនឹងស្លាប់ដោយមិនបិទភ្នែកទេ។
ដោយមានជំនឿចិត្តដែលជនជាតិចិននៅបរទេសបម្រើមាតុភូមិ នាខែវិច្ឆិកា ឆ្នាំ១៩៧៩ បុគ្គលិកការងារជើងទី១នៃក្រុមហ៊ុន Charoen Pokphandបានធ្វើដំណើរពីប្រទេសថៃទៅដល់ទីក្រុងShenzhen ដើម្បីធ្វើអាជីវកម្មឧស្សាហកម្មចំណីសត្វនិងចិញ្ចឹមសត្វ។ នាឆ្នាំ១៩៨១ ក្រុមហ៊ុន Kangd ក្រុងShenzhenនៃក្រុមហ៊ុន CharoenPokphand ទទួលបានលិខិតលេខ ០០០១ នៃវិញ្ញាបនបត្រអនុម័តសម្រាប់សហគ្រាសដែលអាណិកជនចិននៅតំបន់តៃវ៉ាន់ ហុងកុង និងម៉ាកាវវិនិយោគរបស់សាធារណរដ្ឋប្រជាមានិតចិន ក្រុមហ៊ុននេះក៏បានក្លាយទៅជាសហគ្រាសទុនបរទេសទី១នៅមហាដីគោកចិន បន្ទាប់ពីការកំណែទម្រង់និងបើកចំហ។
ដំបូងបង្អស់ ទីតាំងនៃក្រុមហ៊ុនChia Tai Conti និងរោងចក្រចំណីសត្វគឺស្ថិតនៅតំបន់Hongzhuling ក្រុងShenzhen។ កាលនោះ នៅតំបន់ជុំវិញគ្មានហេដ្ឋារចនាសម្ព័ន្ធដូចជាគមនាគមន៍ ទូរគមនាគមន៍ ទឹកនិងអគ្គីសនីអីទេ។ បច្ចុប្បន្ននេះ ទីនេះបានក្លាយទៅជាវិថីរុងរឿងបំផុតនៃក្រុងShenzhen។ លោកYang Xiaopingបានថ្លែងថា ក្រុងShenzhenប្រែក្លាយពីភូមិនេសាទតូចដែលមានប្រជាជនតែរាប់ម៉ឺននាក់ប៉ុណ្ណោះទៅជាទីក្រុងធំដែលមានប្រជាជនលើសពី១០លាននាក់ នេះគឺជាអព្ភូតហេតុពិភពលោក។ បើប្រៀបធៀបនឹងឆ្នាំ១៩៧៩ដែលលោកXie Guominនិងសហការីទៅត្រួតពិនិត្យនៅក្រុងShenzhenជាលើកដំបូង កម្រិតអភិបាលកិច្ចនិងការគ្រោងផែនការទីក្រុងជាដើមនៃក្រុងShenzhenត្រូវបានលើកកម្ពស់យ៉ាងខ្លាំង គឺពីកម្រិតមត្តេយសាលាដល់កម្រិតបណ្ឌិតទៅហើយ។
ក្រុមហ៊ុន Charoen Pokphandបានបង្កើតសហគ្រាសចំនួនជាង600 ក្នុងប្រទេសចិន ទុនវិនិយោគសរុបបានលើសពី 120000 លានយាន់ប្រាក់ចិន។ ពេលកន្លងនេះ ក្រុមហ៊ុន Charoen Pokphandបានបង្កើនល្បឿនបណ្តាក់ទុនក្នុងប្រទេសចិន ។លោក Yang Xiaoping បានថ្លែងថា នេះគឺដោយសារក្រុមហ៊ុន Charoen Pokphandមានសុទិដ្ឋិនិយមចំពោះសេដ្ឋកិច្ចចិនជានិច្ច។ ទោះបីជាអ្នកនយោបាយខ្លះមានបំណងញ៉ុះញង់ឱ្យសហគ្រាសបរទេសផ្តាច់ទំនាក់ទំនងជាមួយចិនក្តី ប៉ុន្តែការប៉ុនបង់បែបនេះមិនអាចប្រែប្រួលក្រឹត្យក្រមសេដ្ឋកិច្ចទេ។ ទីផ្សារចិនមានទំហំធំណាស់ សហគ្រាសនឹងបន្តដំណើរការតាមក្រឹត្យក្រមសេដ្ឋកិច្ចតទៅទៀត។
បន្ទាប់ពីចិនបានលើកឡើងនូវសេចក្តីផ្តួចផ្តើមអំពីការរួមគ្នាកសាងខ្សែក្រវាត់និងផ្លូវ ក្រុមហ៊ុន Charoen Pokphandក៏បានចូលរួមយ៉ាងសកម្មក្នុងការងារនេះ ដើម្បីជំរុញគំនិតផ្តួចផ្តើមមួយនេះចាប់ផ្តើមកសាងឡើងក្នុងប្រទេសថៃ។ លោកបានបន្តទៀតថា ប៉ុន្មានឆ្នាំចុងក្រោយនេះ តាមរយៈការអភិវឌ្ឍនៃសេដ្ឋកិច្ច ប្រទេសចិនទទួលនូវលទ្ធផលច្នៃប្រឌិតថ្មីកាន់តែច្រើនក្នុងវិស័យរបៀបធ្វើពាណិជ្ជកម្ម និងអត្រាផលិត ដែលទាក់ទាញបានការយកចិត្តទុកដាក់កាន់តែទូលាយពីប្រទេសដទៃផ្សេងលើពិភពលោក៕