ពេលថ្មីៗកន្លងទៅនេះ មានប្រព័ន្ធសារព័ត៌មានបរទេសបានផ្សាយដំណឹងថា កត្តាជាច្រើនដូចជាគ្រោះទឹកជំនន់ ជំងឺកូវីដ១៩និងជម្លោះពាណិជ្ជកម្មរវាងចិននិងអាមេរិកជាដើមបានធ្វើឱ្យបញ្ហាសន្តិសុខស្បៀងនៃប្រទេសចិនមានភាពធ្ងន់ធ្ងរឡើងពីមួយថ្ងៃទៅមួយថ្ងៃ រីឯសកម្មភាពប្រឆាំងការខ្ជះខ្ជាយស្បៀងអាហារដែលប្រទេសចិនបាននិងកំពុងបំផុសឡើងក្នុងក្របខណ្ឌទូទាំងប្រទេសនាពេលកន្លងទៅថ្មីៗនេះ ក៏ធ្វើឱ្យមជ្ឈដ្ឋានខាងក្រៅកាន់តែមានមន្ទិលសង្ស័យថា តើប្រទេសចិនអាចផ្គត់ផ្គង់ស្បៀងអាហារគ្រប់គ្រាន់សម្រាប់ប្រជាជនចំនួន១៤០០លាននាក់ឬអត់ ។
លោកស្រីNieFengyingអ្នកស្រាវជ្រាវនៃវិទ្យាស្ថានសិក្សាស្រាវជ្រាវអំពីព័ត៌មានកសិកម្មនៃបណិ្ឌត្យសភាវិទ្យាសាស្ត្រកសិកម្មប្រទេសចិនបានថ្លែងថា បើមើលពីសភាពការណ៍ផ្គត់ផ្គង់និងតម្រូវការនៃស្បៀងអាហារ ការផ្គត់ផ្គង់បានយ៉ាងគ្រប់គ្រាន់ដែលអាចបំពេញតាមតម្រូវការប្រើប្រាស់របស់ពលរដ្ឋគ្រប់រូប ។
ក្រៅពីនេះ ខាងវិស័យស្តុកស្បៀងបន្ទាន់វិញ បច្ចុប្បន្ន ស្បៀងអាហារដែលប្រទេសចិនបានស្តុកនោះគឺខ្ពស់ជាងកម្រិតប្រុងប្រយ័ត្នដែលលើកឡើងដោយអង្គការស្បៀងនិងកសិកម្មរបស់អង្គការសហប្រជាជាតិយ៉ាងច្រើន ធញ្ញជាតិសំខាន់ៗដូចជាស្រូវនិងស្រូវសាលីជាដើមសុទ្ធតែអាចបំពេញតាមតម្រូវការប្រើប្រាស់លើសពី១ឆ្នាំ ដែលជាការធានាដ៏សំខាន់ដល់សន្តិសុខស្បៀងរបស់ប្រទេសចិន ៕
