ជនជាតិHezheជាជនជាតិភាគតិចមួយនៃប្រទេសចិន ដែលស្នាក់នៅតំបន់ប្រសព្វនៃទន្លេHeilongjiang ទន្លេWusulijiangនិងទន្លេSonghuajiang ត្រូវបានគេហៅថាជនជាតិ“ថែរក្សាព្រះអាទិត្យ” ពួកគេប៉ិនប្រសប់នេសាទត្រី ហើយគ្រប់ជំនាន់សុទ្ធតែរស់នៅលើទូក លើទន្លេ ខោអាវសុទ្ធតែធ្វើពីស្បែកត្រី។ ភូមិប៉ាឆា បានបញ្ជាក់ពីប្រវត្តិសាស្ត្រនៃជនជាតិនេះដែលប្រែពីជីវភាពលំបាកជិត១០០០ ឆ្នាំទៅកាន់ភាពទំនើបទាន់សម័យ ។
CenLijieជនជាតិHezhe៖
ពេលប្រទេសចិនថ្មីទើបបង្កើតឡើង ជនជាតិយើងនៅសល់តែជាង៣០០នាក់ប៉ុណ្ណោះ ចាស់ៗឃើញសភាពបែបនេះសុទ្ធតែយំថា តើយើងគួរធ្វើយ៉ាងម៉េចទៅ? ជាតិយើងនឹងផុតពូជហើយ។ តែឥឡូវអ្នកមើល ជនជាតិយើងបានមានជាង ៥៣០០នាក់ហើយ យើងនៅតែប្រកបរបរនេសាទ ហើយក៏រកស៊ីខាងទេសចរណ៍ដែរ។
ការនេសាទត្រីគឺជាមជ្យោមបាយចិញ្ជឹមជីវិតរបស់ជនជាតិHe zheរាប់ពាន់ឆ្នាំមកហើយ។ដោយសារតែកង្វះខាតធនធានជលផលបន្តិចម្តងៗជនជាតិHezheបានជួបលំបាកក្នុងការរស់រានមានជីវិត។នៅឆ្នាំ១៩៩៦ រដ្ឋាភិបាលចិនបានផ្តល់ត្រាក់ទ័រនិងបញ្ជូនអ្នកបច្ចេកទេស ដើម្បីសាងសង់ប្រព័ន្ធធារាសាស្ត្រ ចាប់តាំងពីពេលនោះមកជនជាតិHe zheបានតាំងទីលំនៅនៅលើដីហើយជីវភាពរបស់ពួកគេបានប្រសើរឡើងជាលំដាប់។កោះរហោស្ថានបានក្លាយជាវាលស្រែ មានអ្នកភូមិខ្លះពឹងផ្អែកលើកសិកម្មហើយមានចំណូលជាង120ម៉ឺនយាន់ប្រាក់ចិនក្នុងមួយឆ្នាំ។ទឹកខៀវនិងភ្នំបៃតងគឺជាភ្នំមាសភ្នំប្រាក់ ទស្សនៈដែលលោកអគ្គលេខាធិការបក្សស៊ីជីនភីងបានគូសបញ្ជាល់ថាច្រើនឆ្នាំមកនេះបាននាំមកនូវកាលានុវត្តភាពអភិវឌ្ឍន៍ដ៏ល្អប្រសើរដល់ភូមិនេះ។ចាប់តាំងពីឆ្នាំ២០១៦មក មានភ្ញៀវទេសចរជាង៤ម៉ឺននាក់បានមកកម្សាន្តនៅទីនេះ អតីតភូមិនេសាទដ៏តូចដែលមានសភាបស្ងប់ស្ងាត់បានក្លាយជាភូមិសម្បត្តិគំនូរលើជញ្ជាំងល្បីនៅតាមបញ្តាញ ហើយមានចំណូលទេសចរណ៍ជិតមួយលានយាន់ប្រាក់ចិន។
ការគូរគំនូរលើស្បែកត្រីគឺសិប្បកម្មពិសេសរបស់ជនជនHezhe និងជាបេតិកភ័ណ្ឌវប្បធម៌អរូបីថ្នាក់ជាតិរបស់ប្រទេសចិន។ប៉ុន្មានឆ្នាំកន្លងទៅនេះ លោកស្រីCen Lijieនិងប្តីបានគូរគំនូរនៅរដូវរងា លក់គំនូរនៅរដូវក្តៅ បានចំណូលក្នុងមួយឆ្នាំជាង១សែនយាន់ប្រាក់ចិន។ជីវភាពគ្រួសារបានធូរធារ ទន្ទឹមនឹងនេះ គេក៏បង្រៀនកូនសិក្សាក្នុងភូមិជាង២០០នាក់ដោយឥតគិតថ្លៃ។
លោកស្រីបាននិយាយថា៖ខ្ញុំជាអ្នកស្នងសិប្បកម្មនេះ ខ្ញុំមិនយកថ្លៃសិក្សាទេ។លោកអគ្គលេខាធិការបក្សបាននិយាយថា តាមផ្លូវដើរទៅរកជីវភាពធូរធារ មិនអាចខ្វះនរណាឬជនជាតិណាទេ យើងសុទ្ធតែចាំក្នុងចិត្ត ដើម្បីធ្វើឱ្យជនជាតិយើងសុទ្ធតែមានជីវភាពធូរធារ។
បច្ចុប្បន្ន អ្នកដែលមកដល់ភូមិនេះ ដើម្បីរៀនគូរគំនូរលើស្បែកត្រី ក្រៅពីយុវជនជនជាតិHezhe ក៏មានមនុស្សជាច្រើនមកពីតំបន់ក្រៅ។វប្បធម៌ជនជាតិនិងឧស្សាហកម្មទេសចរណ៍ធ្វើឱ្យប្រជាជននៃជនជាតិនេះ មានជីវភាពរស់នៅកាន់តែល្អប្រសើរឡើង។អ្នកភូមិចាប់អារម្មណ៍ខ្លាំងណាស់ចំពោះប្រសាសន៍របស់លោក ស៊ី ជីនភីង ៖ ការកសាងជីវភាពធូរធារបង្គួរគ្រប់ជ្រុងជ្រោយក្នុងប្រទេសយើង មិនអាចខ្វះជនជាតិណាមួយទេ។
កាលពីឆ្នាំ2019 ជនជាតិ Hezhe បានចេញផុតពីភាពក្រីក្រទាំងស្រុង ការយកចិត្តទុកដាក់របស់បក្សកម្មុយនិស្តចិន បានជួយឱ្យប្រជាជនជនជាតិ Hezhe មានជំនឿចិត្តកាន់តែខ្លាំងក្នុងការស្វែងរកជីវភាពកាន់តែល្អនិងកាន់តែមានសុភមង្គល បោះជំហានទៅកាន់អនាគតកាន់តែភ្លឺស្វាង៕
