លោក Shen Chunyao ប្រធានគណៈកម្មការការងារច្បាប់ នៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនបានឧទ្ទេសនាមក្នុងសន្និសីទកាសែតនៃការិយាល័យព័ត៌មានរបស់ក្រុមប្រឹក្សាកិច្ចការរដ្ឋចិននាថ្ងៃទី ១ ខែកក្កដាថា ក្នុងដំណើរតាក់តែងនិងពិនិត្យពិភាក្សាច្បាប់គាំពារសន្តិសុខជាតិនៅហុងកុង តំណាងប្រជាជនបានយកចិត្តទុកដាក់ប្រមូលមតិយោបល់ពីភាគីនានា ជាពិសេសផ្នែកពាក់ពន្ធផ្ទាល់នៃតំបន់រដ្ឋបាលពិសេសហុងកុង។ច្បាប់នេះបានផ្តោតសំខាន់លើការគោរពនិងការធានាសិទ្ធិមនុស្ស បានបង្ហាញយ៉ាងពេញលេញនូវសំឡេងក្នុងដួងចិត្តនិងបំណងប្រាថ្នារបស់ប្រជាជនចិនគ្រប់ជនជាតិ បូករួមទាំងជនរួមជាតិហុងកុងទាំងមូល។
លោកបានបន្តទៀតថា ការអនុម័តច្បាប់នេះនឹងបំពេញបន្ថែមយ៉ាងប្រសិទ្ធភាពនូវចន្លោះខ្វះខាតនៃប្រព័ន្ធគាំពារសន្តិសុខជាតិនៃតំបន់រដ្ឋបាលពិសេសហុងកុង។ ក្រោមការដឹកនាំដ៏រឹងមាំនៃមជ្ឈិមបក្ស ក្រោមការគាំទ្រជាទូទៅនៃប្រជាជនចិនទូទាំងប្រទេស ច្បាប់នេះមុខជានឹងអាចថែរក្សាគាំពារសន្តិសុខជាតិចិនប្រកបដោយប្រសិទ្ធភាព និងធានាឱ្យបុព្វហេតុ “ប្រទេសមួយ ប្រព័ន្ធគ្រប់គ្រងពីរ”អាចអនុវត្តបានកាន់តែយូរនិងកាន់តែមានស្ថិរភាព៕