នៅយប់ថ្ងៃទី ១៦ ខែមិថុនា លោកស្រី Chen Bei លេខាធិការរងនៃរដ្ឋបាលក្រុងប៉េកាំងបានថ្លែងថា ចាប់ពីថ្ងៃទី ១៦ ខែមិថុនាតទៅ ក្រុងប៉េកាំងនឹងដំឡើងពីកម្រិត ៣ ដល់កម្រិត ២ ។ ម្យ៉ាងវិញទៀត មន្រ្តីមន្ទីរពាណិជ្ជកម្មក្រុងប៉េកាំងបានថ្លែងថា បច្ចុប្បន្ន របៀបរៀបរយនៃការផ្គត់ផ្គង់នៅផ្សារលក់បន្លែបង្ការរបស់ក្រុងប៉េកាំងបាននិងកំពុងស្តារឡើងវិញយ៉ាងឆាប់រហ័ស ស្ថានភាពផ្គត់ផ្គង់បន្លែបង្ការមានស្ថិរភាពជាទូទៅ ។
លោកស្រី Chen Bei ថ្លែងថា អ្នកដែលស្នាក់នៅតំបន់ដែលមានហានិភ័យកម្រិតមធ្យមនិងខ្ពស់ ក៏ដូចជាប្រកបអាជីវកម្មនៅផ្សារXinfadi ហាមមិនឱ្យចេញពីក្រុងប៉េកាំង រីឯអ្នកផ្សេងទៀតត្រូវប្រកាន់ខ្ជាប់គោលការណ៍ដែលមិនចាកចេញពីក្រុងប៉េកាំងបើពុំមានការចាំបាច់ ប្រសិនបើចាំបាច់ត្រូវតែចាកចេញពីក្រុងប៉េកាំង ត្រូវតែបង្ហាញលិខិតបញ្ជាក់ពីលទ្ធផលអវិជ្ជមាននៃការធ្វើតេស្តវីរុសក្នុងរយៈពេល ៧ ថ្ងៃ ។ តាមសហគមន៍ត្រូវគ្រប់គ្រងបែបបិទជិតឡើងវិញ ។
ក្រៅពីនេះ ទន្ទឹមនឹងការដំឡើងកម្រិតសឆ្លើយតបបន្ទាន់ គ្រប់សាលារៀនក្រុងប៉េកាំងបានរៀបចំឡើងវិញនូវការបង្រៀនតាមអនឡាញ និស្សិតសកលវិទ្យាល័យផ្អាកការទៅសាលារៀន កន្លែងសាធារណៈក្នុងអគារដូចជាបណ្ណាល័យ សារមន្ទីរ និងវិចិត្រសាលជាដើម ក៏ដូចជាសួនច្បារនិងតំបន់ទេសចរណ៍ផងដែរដាក់កំហិតលើចំនួនមនុស្សត្រឹម ៣០ % ព្រមនិងអនុវត្តវិធានការសម្រាប់បង្ការនិងគ្រប់គ្រង ដូចជាកក់សំបុត្រតាមអនឡាញនិងដាក់កំហិតដល់ចំនួនមនុស្សតាមពេលវេលាខុសៗគ្នា និងរៀបចំរបៀបរៀបរយពីចម្ងាយជាដើម ៕