នាយកដ្ឋានស្ថិតិជាតិចិនបានប្រកាសទិន្នន័យដំណើរការសេដ្ឋកិច្ចជាតិសម្រាប់ខែឧសភាកាលពីថៃ្ងទី ១៥ ខែមិថុនា។ក្នុងនោះ ការប្រើប្រាស់បន្តមានភាពប្រសើរឡើងវិញ ខណៈពេលការរីករាលដាលនៃជំងឺកូវីដ ១៩ ត្រូវបានគ្រប់គ្រងប្រកបដោយប្រសិទ្ធភាព ហើយការលក់ដូរក្នុងទីផ្សាររបស់ប្រទេសចិនមានភាពប្រសើរឡើងក្នុងរយៈពេល ៣ ខែជាប់ៗគ្នា។ទំហំនៃការលក់រាយទំនិញក្នុងខែឧសភា ស្មើនឹងកម្រិតនៃខែដូចគ្នានៃឆ្នាំ ២០១៩ សន្ទស្សន៍ផលិតកម្មផែ្នកសេវាកម្មបានកើនឡើង ១,០ ភាគរយ បើប្រៀបធៀបនឹងរយៈពេលដូចគ្នានៃឆ្នាំ២០១៩ ហើយឧស្សាហកម្មបច្ចេកវិទ្យាខ្ពស់បានក្លាយជាកម្លាំងចលករថ្មីសម្រាប់កំណើនសេដ្ឋកិច្ចរបស់ប្រទេសចិន។
លោក Michael Spence សេដ្ឋវិទូទីមួយនិងជាប្រធានផ្នែកសិក្សាស្រាវជ្រាវនៅក្នុងតំបន់អាស៊ីប៉ាស៊ីហ្វិកនៃធនាគារ Deutsche បានលើកឡើងថា ការងើបឡើងវិញរបស់សេដ្ឋកិច្ចចិន"មើលទៅគួរឱ្យមានចំណាប់អារម្មណ៍យ៉ាងជ្រាលជ្រៅ" ហើយការកែលម្អតម្រូវការក្នុងស្រុករបស់ប្រទេសចិនត្រូវបានរំពឹងថា នឹងជួយសេដ្ឋកិច្ចឱ្យកើនឡើងពី ៥ ដល់ ៦ ភាគរយក្នុងរយៈពេលជាប់ៗគ្នានៅក្នុងត្រីមាសទី ២ ។
និយាយជាទូទៅ ប្រឈមនឹងសម្ពាធទាំងក្នុងនិងក្រៅប្រទេស សេដ្ឋកិច្ចចិនបានបង្ហាញនូវភាពធ្ងន់យ៉ាងខ្លាំងដែលមានសមត្ថភាពពុះពារការលំបាកបណ្តោះអាសន្ននិងមានជំនឿចិត្តបន្តអភិវឌ្ឍទៅមុខឥតឈប់ឈរ។
ប្រទេសចិនបានចាប់ដំណើរការនូវផែនការស្តីពីហេដ្ឋារចនាសម្ព័ន្ធថ្មីក្នុងទ្រង់ទ្រាយធំ ហើយរដ្ឋាភិបាលចិនបានសង្កត់ធ្ងន់ម្តងទៀតថា នឹងពន្លឿនការកសាងហេដ្ឋារចនាសម្ព័ន្ធបែបថ្មី ដូចជាបណ្តាញប្រព័ន្ធ 5G និងមជ្ឈមណ្ឌលទិន្នន័យជាដើមដើម្បីផ្តល់ការគាំទ្រផែ្នកម៉ាក្រូគោលនយោបាយដល់ការរៀបចំរចនាសម្ព័ន្ធឡើងវិញនៃខ្សែសង្វាក់ផ្គត់ផ្គង់។នេះមុខជានឹងផ្តល់កម្លាំងចលករសម្រាប់ការធ្វើឱ្យប្រសើរឡើងនូវខ្សែសង្វាក់ឧស្សាហកម្មពិភពលោកទាំងមូលនិងបង្កើនកម្លាំងទាក់ទាញនៃទីផ្សារចិនជាក់ជាមិនខាន។
យ៉ាងណាមិញ សេដ្ឋកិច្ចចិនកំពុងប្រឈមនឹងការលំបាកនិងបញ្ហាប្រឈមដែលបណ្តាលមកពីបញ្ហាជាច្រើន ក៏ដូចជាកំពុងរងផលប៉ះពាល់នៃការរីករាលដាលនៃជំងឺកូវីដ ១៩ និងខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់ពិភពលោកទាំងមូលកំពុងប្រឈមនឹងហានិភ័យខ្ពស់បង្គួរ ព្រមទាំងគំនិតការពារនិយមកំពុងតែកើនឡើង ជាដើមដូច្នេះ ការដំណើរការសេដ្ឋកិច្ចរបស់ចិននៅតែប្រឈមនឹងសម្ពាធធំបង្គួរនិងត្រូវការកិច្ចខិតខំប្រឹងប្រែងបន្ថែមទៀតដើម្បីជួយសេដ្ឋកិច្ចពិភពលោកឱ្យដើរចេញផុតពីភាពលំបាកលំបិនខណៈពេលរៀបចំឡើងវិញនូវការអភិវឌ្ឍសេដ្ឋកិច្ចរបស់ខ្លួន។
ប្រទេសចិនដែលប្រកាន់ខ្ជាប់នូវពហុភាគីនិយមនិងសកលភាវូបនីយកម្មនឹងមិនត្រឹមតែមានសមត្ថភាពជំរុញសេដ្ឋកិច្ចរបស់ប្រទេសខ្លួនឱ្យងើបឡើងវិញជាបន្តបន្ទាប់និងសម្រេចបាននូវគោលដៅអភិវឌ្ឍន៍សេដ្ឋកិច្ចនិងសង្គមពេញមួយឆ្នាំប៉ុណ្ណោះទេ ថែមទាំងនឹងរួមគ្នាពុះពារការលំបាកជាមួយសហគមន៍អន្តរជាតិក្នុងន័យបញ្ចូលកម្លាំងចលករដល់ការងើបឡើងវិញនៃសេដ្ឋកិច្ចពិភពលោកទៀតផង៕
