ថ្ងៃទី១៣ខែមិថុនា ពិធីបើកសម្ពោធសកម្មភាពនៅទីក្រុងសំខាន់នៃ"ទិវាបេតិកភ័ណ្ឌវប្បធម៌អរូបីនិងធម្មជាតិ" ឆ្នាំ២០២០និងជាសកម្មភាពប្រព័ន្ធសារព័ត៌មានចំរុះទ្រង់ទ្រាយធំដោយបង្ហាញពីវត្ថុណបុរា បានធ្វើឡើងនៅក្រុងប៉េកាំងនិងក្រុងគូយលីនក្នុងពេលដំណាលគ្នា។ លោក Shen Haixiong អគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិននិងលោក Liu Yuzhu អគ្គនាយកនៃរដ្ឋបាលជាតិវត្ថុបុរាណចិនបានរួមគ្នាចូលរួមសកម្មភាពបើកសម្ពោធ។
អគ្គស្ថានីយវិទ្យុនិងទូរទស្សន៍មជ្ឈិមចិននិងរដ្ឋបាលជាតិវត្ថុបុរាណចិននឹងបង្ហាញដោយគ្រប់ជ្រុងជ្រោយពីលក្ខណៈសម្បត្តិបេតិកភណ្ឌវប្បធម៌ សមិទ្ធិផលនៃការអភិរក្សនិងប្រើប្រាស់វត្ថុបុរាណ និងរឿងរ៉ាវនៅពីក្រោយការងារពិព័រណ៍វប្បធម៌តាមរយៈប្រព័ន្ធសារព័ត៌មានថ្មីនិងវិធីវីដេអូខ្លីនិងការផ្សាយផ្ទាល់តាមទូរស័ព្ទដោយអស់រយៈពេល៣ខែ។
តាមការផ្សាយដំណឹងបានឱ្យដឹងថា សកម្មភាពលើកនេះគឺសហរៀបចំឡើងដោយAPPនៃវេទិកាប្រព័ន្ធសារព័ត៌មានថ្មីទម្រង់5Gនៃអគ្គស្ថានីយវិទ្យុនិងទូរទស្សន៍មជ្ឈិមចិននិងរដ្ឋបាលជាតិវត្ថុបុរាណចិន ។ ពេលថ្មីៗនេះ វេទិកាប្រព័ន្ធសារព័ត៌មានថ្មីទម្រង់5Gនៃអគ្គស្ថានីយវិទ្យុនិងទូរទស្សន៍មជ្ឈិមចិននឹងបន្តផ្សព្វផ្សាយកម្មវិធីផ្សាយផ្ទាល់និងវីដេអូខ្លីផ្នែកវប្បធម៌ដូចជាកម្មវិធី«អក្សរចិនក្នុងវត្ថុបុរាណ» ដើម្បីបង្ហាញពីលក្ខណៈសម្បត្តិរបស់វប្បធម៌របស់វត្ថុបុរាណ និងផ្សព្វផ្សាយពីវប្បធម៌ប្រពៃណីជនជាតិចិនដ៏ល្អប្រសើរ៕
