ថ្ងៃទី២៨ ខែឧសភា មហាសន្និបាតប្រចាំឆ្នាំនៃសភាតំណាងប្រជាជនទូទាំងប្រទេសចិនបានបិទសម័យប្រជុំ ពេលជួបជាមួយអ្នកសារព័ត៌មានជាតិនិងអន្តរជាតិតាមរយៈប្រព័ន្ធវីដេអូបន្ទាប់ពីបិទមហាសន្និបាត លោកលីខឺឈាងនាយករដ្ឋមន្ត្រីចិនបានថ្លែងថា នៅក្នុងសន្និសីទថ្នាក់ដឹកនាំអាស៊ីបូព៌ាឆ្នាំ២០១៩ ថ្នាក់ដឹកនាំនៃប្រទេសចំនួន១៥(ប្រទេស១០នៅអាស៊ាន ប្រទេសចិន ជប៉ុន កូរ៉េខាងត្បូង អូស្រ្តាលី ព្រមនិងនូវែលហ្សេឡង់បានកិច្ចសន្យារួមគ្នាថា នឹងចុះហត្ថលេខាលើកិច្ចព្រមព្រៀងទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់(ហៅកាត់ថាRCEP)តាមពេលកំណត់ ដូចនេះភាគីចិនសង្ឃឹមនិងជឿងជាក់ថា កិច្ចសន្យានេះនឹងចេញជារូបរាងឡើង។
លោកលីខឺឈាងបន្តទៀតថា ភាគីចិនក៏កំពុងជំរុញការកសាងតំបន់ពាណិជ្ជកម្មសេរីរវាងចិន ជប៉ុននិងកូរ៉េខាងត្បូងផងដែរ។ក្រៅពីនេះ ភាគីចិនប្រកាន់អាកប្បកិរិយាបើកចំហនិងសកម្មក្នុងការចូលរួមកិច្ចព្រមព្រៀងទំនាក់ទំនងភាពជាដៃគូឆ្លងមហាសមុទ្រប៉ាស៊ីហ្វីកគ្រប់ជ្រុងជ្រោយនិងវឌ្ឍនភាព(ហៅកាត់ថា CPTP)៕