ថ្ងៃទី២៨ខែឧសភា កិច្ចប្រជុំលើកទី៣នៃមហាសន្និបាតសភាតំណាងប្រជាជនទូទាំងប្រទេសចិននីតិកាលទី១៣បានបិទបញ្ចប់នៅក្រុងប៉េកាំង។ កិច្ចប្រជុំបានបោះឆ្នោតមនុម័តលើក្រមរដ្ឋប្បវេណីដែលនឹងដាក់ឱ្យអនុវត្តចាប់ពីថ្ងៃទី១ខែមករាឆ្នាំ២០២១តទៅ ដែលជាការចាប់ផ្តើមនៃយុគសម័យថ្មីនៃការធានាសិទ្ធិ និងផលប្រយោជន៍កិច្ចការស៊ីវិលរបស់ប្រជាជនចិនចំនួន១៤០០លាននាក់។
លោកលីចាន់ស៊ូ ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនបានថ្លែងថា ក្រមរដ្ឋប្បវេណីដែលកិច្ចប្រជុំបានពិនិត្យពិភាក្សានិងអនុម័តជាការតាក់តែងច្បាប់ជានិមិត្តសញ្ញាដ៏សំខាន់នៃការជំរុញនីតិរដ្ឋដោយគ្រប់ជ្រុងជ្រោយ និងធ្វើឱ្យមានសុក្រឹតភាពនូវប្រព័ន្ធច្បាប់សង្គមនិយមដែលមានលក្ខណៈពិសេសរបស់ប្រទេសចិន វាមុខជានឹងផ្តល់ការធានាផ្លូវច្បាប់ដល់កិច្ចការស៊ីវិលកាន់តែល្អប្រសើរសម្រាប់ការធ្វើកំណែទម្រង់និងបើកចំហ ក៏ដូចជាកិច្ចកសាងសង្គមនិយមទំនើបក្នុងយុគសម័យថ្មីផងដែរ៕