ថ្ងៃទី ២៥ ខែ ឧសភា ក្រសួងការពារកិច្ចការស៊ីវិលអ៊ីតាលីបានចេញផ្សាយទិន្នន័យបង្ហាញឱ្យដឹងថា ស្ថានភាពរីករាលដាលនៃជំងឺ Covid-19 នៅប្រទេសអ៊ីតាលីបន្តមានភាពធូរស្រាល ករណីឆ្លងនៅបច្ចប្បន្ននេះតិចជាងថ្ងៃទី ២៤ ខែ ឧសភា ចំនួន ១២៩៤ ករណីដែលបានធ្លាក់មកនៅចំនួន ៥៥៣០០ ករណី ។ ករណីឆ្លងដែលបានជាសះស្បើយមានចំនួន ១៥០២ នាក់ ករណីបានជាសះស្បាយសរុប ១៤១៩៨១ ករណី ។
ក្រសួងសុខាភិបាលអ៊ីតាលីបានថ្លែងនៅថ្ងៃទី ២៥ ខែ ឧសភា ថា ចាប់ពីថ្ងៃដដែល អ៊ីតាលីបានចាប់ផ្តើមធ្វើតេស្តសេរ៉ូមដោយទ្រង់ទ្រាយលើប្រជាជនចំនួន ១៥ ម៉ឺននាក់ ដើម្បីស្វែងយល់កាន់តែច្បាស់ពីស្ថានភាពរីករាលដាលជំងឺ Covid-19 និងលើកកម្ពស់សម្ថភាពទប់ទល់នឹងជំងឺ Covid-19 បន្ថែមទៀត ។ ការធ្វើតេស្តលើកនេះ នឹងត្រូវធ្វើឡើងដោយឈរលើមូលដ្ឋានស្ម័គ្រចិត្ត ហើយព័ត៌មានផ្ទាល់ខ្លួនរបស់អ្នកចូលរួមធ្វើតេស្តនឹងត្រូវបានការពារ ៕