តំណាងនៃសភាតំណាងប្រជាជនទូទាំងប្រទេសចិននិងសមាជិកនៃសភាប្រឹក្សានយោបាយប្រជាជនទូទាំងប្រទេសចិននៃតំបន់រដ្ឋបាលពិសេសហុងកុងជាច្រើនរូបបានថ្លែងថា ការកសាងនិងបំពេញប្រព័ន្ធច្បាប់និងយន្តការប្រតិបត្តិសម្រាប់គាំពារសន្តិសុខជាតិនៃតំបន់ហុងកុងពីស្រទាប់ជាតិ នឹងបង្ការនិងគ្រប់គ្រងហានិភ័យសន្តិសុខជាតិដោយមានប្រសិទ្ធភាពនិងគាំពារតំបន់ហុងកុងមានសន្តិសុខនិងស្ថិរភាពជាយូរ ។
លោក Henry Tang សមាជិកនៃសភាប្រឹក្សានយោបាយប្រជាជនទូទាំងប្រទេសចិនបានថ្លែងថា បើគ្មានសន្តិសុខជាតិ ក៏គ្មានវិបុលភាពនិងស្ថិរភាពនៃតំបន់ហុងកុង ។ ក្នុងសភាពការណ៍ដែលសន្តិសុខជាតិរងការគំរាមកំហែងដ៏ធ្ងន់ធ្ងរនិងខ្វះច្បាប់មានពាក់ព័ន្ធ នោះ មជ្ឈិមចិនជួយដោះស្រាយបញ្ហាលេចធ្លោក្នុងវិស័យគាំពារសន្តិសុខជាតិនៃតំបន់ហុងកុងគឺជារឿងប្រក្រតី ។
លោកស្រី Maria Tam អនុប្រធាននៃគណៈកម្មាធិការច្បាប់មូលដ្ឋាននៃតំបន់រដ្ឋបាលពិសេសហុងកុងនៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនបានថ្លែងថា ចំពោះតំបន់ហុងកុង ការពារសន្តិសុខជាតិនៅតែជាអំណាចនិងភារកិច្ចទីចុងបំផុតរបស់ជម្ឈិមចិនដែរ ។ អំពីតំបន់ហុងកុង បើចង់មានស្ថិរភាពយូរអង្វែង គាំពារ“ប្រទេសមួយប្រព័ន្ធគ្រប់គ្រងពីរ” គឺគួរតែតាក់តែងច្បាប់ ដើម្បីនាំឱ្យការប៉ុនប៉ងប្រឆាំងរដ្ឋាភិបាលមជ្ឈិមនិងធ្វើឱ្យតំបន់ហុងកុងមានចលាចលរបស់មនុស្សទាំងនេះមិនអាចដំណើរការបាន ។
