ទាក់ទិននឹងរឿងដែលមន្ត្រីអាមេរិកចោទប្រកាន់ដោយឥតហេតុផលថារដ្ឋាភិបាលចិនបានបំផុសចលនាឃោសនាក្លែងក្លាយអំពីជំងឺកូវីដ១៩ លោកចាវលីជាន អ្នកនាំពាក្យក្រសួងការបរទេសចិនបានថ្លែងកាលពីថ្ងៃទី ១៩ ខែឧសភាថា ពាក្យសម្តីបែបនេះពិតជាគ្មានភស្តុតាងអ្វីសោះ ។ តើនរណាកំពុងឃោសនាក្លែងក្លាយអំពីជំងឺកូវីដ១៩ រឿងនេះអាមេរិកដឹងច្បាស់ណាស់ ហើយពិភពលោកក៏ដឹងច្បាស់ដែរ ។
លោកចាវលីជានបានថ្លែងថា ក៏ដូចផ្នែកការទូតនិងឥស្សរជនការទូតនៃប្រទេសដទៃទៀត ស្ថាប័នការទូតនិងមន្ត្រីទូតចិនប្រចាំនៅបរទេសក៏មានគណនីនៃបណ្តាញទំនាក់ទំនងសង្គមដែរ ដើម្បីធ្វើការផ្លាស់ប្តូរមតិយោបល់ឱ្យបានកាន់តែល្អ និងឧទ្ទេសនាមពីសភាពការណ៍ចិននិងនយោបាយការទូតចិន ។ ភាគីចិនរីករាយបង្កើនការប្រាស្រ័យទាក់ទងនិងផ្លាស់ប្តូរគ្នាជាមួយមជ្ឈដ្ឋានខាងក្រៅតាមគ្រប់ទម្រង់ក្នុងគោលបំណងបង្កើនការស្វែងយល់គ្នាទៅវិញទៅមក ៕