ទស្សនាវដ្តី «The Lancet» របស់អង់គ្លេសបោះពុម្ពផ្សាយថ្មីបំផុតបានចុះផ្សាយបទអត្ថាធិប្បាយថា រដ្ឋាភិបាលអាមេរិកមិនយកចិត្តទុកដាក់ចំពោះវិធានការរបស់មជ្ឈមណ្ឌលគ្រប់គ្រងនិងបង្ការជំងឺឆ្លងរបស់អាមេរិក បានបំផ្លាញដល់កិច្ចសហប្រតិបត្តិការផ្នែកវិទ្យាសាស្ត្រនិងសុខាភិបាលសាធារណៈលើសកលលោក ។
អត្ថបទបានចែងថា មជ្ឈមណ្ឌលគ្រប់គ្រងនិងបង្ការជំងឺឆ្លងរបស់អាមេរិកបានធ្វើខុសតាំងពីដើមដំបូងនៃការផ្ទុះជំងឺកូវីដ ១៩ ពិសេសលើបញ្ហាធ្វើតេស្តិ៍រកវីរុស ។ ប៉ន្តែ ការមិនយកទុកដាក់និងបន្សោយតួនាទីរបស់ស្ថាប័ននេះគឺមិនអាចដោះស្រាយបញ្ហាបានឡើយ ។ រដ្ឋាភិបាលអាមេរិកតែងតែចង់ស្វែងរកវិធានការបញ្ឈប់ការរាលដាលនៃជំងឺកូវីដ ១៩ យ៉ាងឆាប់រហ័ស ដូចជាវ៉ាក់សាំង ឱសថថ្មី រហូតដល់ចង់ទុកវីរុសបាត់សាបសូន្យដោយខ្លួនឯង តាមពិត មានតែពឹងផ្អែកលើក្រមសុខាភិបាលធារណៈជាមូលដ្ឋាន ទើបអាចបញ្ចប់ការឆ្លងរាលដាលនៃជំងឺកូវីដ ១៩ បាន ។
អត្ថបទបានចែងទៀតថា ដើម្បីទប់ទល់នឹងការគំរាមកំហែងចំពោះសុខាភិបាលសាធារណៈ មិនថាក្នុងប្រទេសអាមេរិកឬក៏លើផ្ទៃអន្តរជាតិក្តី សុទ្ធតែត្រូវមានមជ្ឈមណ្ឌលគ្រប់គ្រងនិងបង្ការជំងឺឆ្លងមួយដែលមានឥទ្ធិពលខ្លាំង ពីព្រោះមានតែធ្វើបែបនេះទើបអាចជួយដល់ការបង្ការជំងឺឆ្លងលើកក្រោយ ។