ថ្ងៃទី១៤ខែឧសភា អ្នកជំនាញពាក់ព័ន្ធនៃអង្គការសុខភាពពិភពលោកបានថ្លែងថា ការស៊ើបអង្កេតបង្ហាញថា ក្នុងអំឡុងពេលផ្ទុះករណីជំងឺកូវីដ១៩ អត្រាកើតមានជំងឺផ្លូវចិត្តនៅបណ្តាប្រទេសសុទ្ធតែបានកើនឡើង ដោយឡែកបុគ្គលិកពេទ្យគឺត្រូវការការគាំទ្រខាងសុខភាពផ្លូវចិត្តជាពិសេស។ កាលពីថ្ងៃទី១៣ខែឧសភា អង្គការសហប្រជាជាតិបានចេញផ្សាយខ្លឹមសារសំខាន់ស្តីពីសុខាភិបាលសាធារណៈផ្នែកបញ្ហាសុខភាពផ្លូវចិត្តដែលបណ្តាលមកពីករណីជំងឺកូវីដ១៩ ដោយអំពាវនាវឱ្យប្រទេសនានាយកចិត្តទុកដាក់ចំពោះតម្រូវការខាងសុខភាពផ្លូវចិត្តពេលទប់ទល់នឹងវិបត្តិជំងឺកូវីដ១៩។
ថ្ងៃទី១៣ខែឧសភា លោក Antonio Guterres អគ្គលេខាធិការអង្គការសហប្រជាជាតិបានថ្លែងតាមប្រព័ន្ធវីដេអូថា សេវាសុខភាពផ្លូវចិត្តជាចំណែកដ៏សំខាន់នៃវិធានការទប់ទល់នឹងជំងឺកូវីដ១៩របស់រដ្ឋាភិបាល។ សេវាសុខភាពផ្លូវចិត្តចាំបាច់ត្រូវពង្រីកទ្រង់ទ្រាយនិងទទួលបានការគាំទ្រដោយថវិកាដ៏គ្រប់គ្រាន់។
គួររំលឹកថា របាយការណ៍នៃអង្គការសហប្រជាជាតិបានបង្ហាញថា បច្ចុប្បន្ននេះ ការទម្លាក់ថវិកាទៅលើវិស័យសុខភាពផ្លូវចិត្តបានត្រឹមតែស ២% ប៉ុណ្ណោះ នៃថវិកាចំណាយទូទៅសម្រាប់ទប់ទល់នឹងជំងឺកូវីដ១៩៕
